Sib’alaj e tasal xek’am b’i e lajuj chi uwinaqil ri Mara Salvatrucha (MS-13) xuquje’ ri uwinaqil ri Pandilla rech ri Barrio 18 chaq’ab’ iwir xek’am b’i pa le rachoch japache’ ub’i’ Centro rech Detención rech Máxima Seguridad kech Achijab’ “Renovación I”, k’o pa Escuintla ri’. Eri reqa’lenelab’ ri Wokajil Ajchajil Tinamit (PNC) kuk’ ri Grupo Élite rech ri Sistema Penitenciario (SP) ri’.
Eri nik’aj e ajpache’ ri’ xtz’ib’axik juntir kitzijolil pa jun escánes rech tecnología avanzada are chi’ xe’opan. Xuquje’ xkoj ri katz’iyaqb’al ri q’an rilik rech are kakikojo chi la’ pa rachoch japache’ tz’apib’al. Pa ronojel kik’oji chi la’ sib’alaj xkinimaj ri ya’talil chi ke ri e’ajpache’ ri’ ruk’ ri nim taqanem tzij k’o pa qatinamit.
Eri lajuj chi e’ajpache’ che ri xeq’axexik chi la’ e’are taq wa’: a Mauro de León Hernández “Viejo Zacapa”, a Aldo Dupie Ochoa Mejía “Lobo”, a Wilder Rodríguez Aguilar ub’i’ kab’ixik “El Pato”, a Javier Leonel Itzol Cruz “El Loco” xuquje’ a Manuel de Jesús Rivas Granados ub’i’ “Drimer”, eri e’are e’uwinaqil ri Barrio 18; xuquje’ ri a Jorge Jair de León Hernández “El Diabólico” ri’, a Ronal Baseli Choc Alemán “Sexy Boy”, a Ángel Gabriel Reyes Marroquín “Blanco o White”, a Amílcar Galileo Torres Rosales “El Garrobo” xuquje’ a Nixon Bantes Gonzáles “El Flaco”, e’uwinaqil ri jun Mara Salvatrucha ri’.
Eri Ministro rech Gobernación, Francisco Jiménez, sib’alaj xub’ij pa uwachwuj rech X: “E lajuj e’itzelalaj taq b’anol k’ax ri’, ri man je ta ri’ xb’an chi ke kumal ri k’amal b’e tinamit kanoq, we kimik sib’alaj e tasalik kutukel e k’olik, ri sib’alaj e chajim chi paq’ij chi chaq’ab’ ri’. Man k’ot jun kesolinik. Man k’ot kutoq’ob’isaj kiwach. Ri maj jun kech’aw wi kanoq, man k’ot jun toq’inik b’ixik kumal chi la’ k’ut”.
Pa le kaq’axexik ri’, e k’o k’i reqa’lenelab’ chajinem tinamit xek’oji che ri kilik kachajixik jeri’ chi la’ e tz’apil wiri’, ri sib’alaj xkichajij are chi’ xeq’axexik sib’alaj e chajim ri’ xuquje’ k’a chi la’ pa japache’ tz’apib’al k’o pa Fraijanes, Iximulew k’a pa le rachoch japache’ tz’apib’al rech Renovación I ri’.
Eri kaq’axexik ri’ are la’ uwach ri nimachak tajin ub’anik rumal ri Wokom K’amal B’e Nimatinamit Iximulew pa uchakunik ri Ministerio rech Gobernación (Mingob) rech ya’ik uchuq’ab’ ri chajinem pa japache’ tz’apib’al ri’ che ri e tz’apim wi nik’aj pandilleros ri’ rech kakib’a ta chi k’ax chi ke ri winaqilal k’a pa japache’ tz’apib’al loq.