Ruk’ wa’ are taqim ujipixik kachomaxik ri winaqil pawe ik’ ri’, rumal ri’ eri q’atb’al tzij rech ri División Especializada rech Investigación Criminal (DEIC) xuquje’ rech ri Unidad rech Expertaje rech  Ajsolil kitzijol ch’ich’ keb’inisaxik, rech ri Wokajil Ajchajil Tinamit (PNC), rumal ri’ xkiya utzijol ub’ixik eri e are rajwaxik kek’oji pa rulewal tinamit Izabal ri’ rech ketob’an che usolixik qas kirajilab’al ri ch’ich’ ri kek’am loq pa tinamit ri’.

Rumal ri’ chewe chanim k’o job’ chi chakuja ub’i’ sedes rech expertaje pa le nimatinamit Iximulew, pa Xe’laju’, pa Petén, pa Zacapa xuquje’ pa Chinab’jul, k’a chi la’ k’ut rajwaxik kakita wi loq jun q’ij rech kechomax are la’ kakita loq pa uwachwuj pa kaqiq’ pa línea kab’ixik rech kakik’am loq ri kikejach’ich’ xuquje’ ri kich’ich’ che ri kakib’inisaj.

Eri jun ilonik chi ke man k’ot urajil kakitojo, are wa’ jun b’anonem kab’an kumal ri ajchajil tinamit xuquje’ rech kak’ex ri ch’ich’ placas wexa’ man k’ot keqam tane’ xuquje’ wexa’ eleq’an tane’, xuquje’ wexa’ ub’anom k’ax jarinaq chik, wexa’ rech kak’ex rilik kij, wexa’ rech kaq’axexik pa ub’i’ jun chik achoq’e ri’ wexa’ k’o kak’ex chi re ri’.

Ri rajwaxik kak’utik

Are rech kata usolixik ri’ are rajwaxik kata’ik pa uwachwuj pa kaqiq’ pa le link ri’ https://expertaje.pnc.gob.gt/public/turno/create, chi la’ k’ut kab’ix wi jachike q’ij jachike kajb’al (hora) kasik’ix ri ajchoq’e pa le sede ri’ rech b’a’ kasolix utzijolil ri ch’ich’.

Eri winaqilal ri’ rajwaxik kakik’ut ri Kiwujil rech Kitzijolil  (DPI), rachib’al uxe’al ri uwuj pane’ ri wujq’axeb’al pa tinamit (pasaporte) ri ajchoq’e ri ch’ich’ petinaq pa tinamit naj, ri uwuj rech circulación xuquje’ ri uwuj ri ch’ich’ ri’.

K’o e k’i e riqom

Eri rajilab’al kuk’utu, che enero k’a pawe q’ij kamik e riqom chik 57 chi kejach’ich’ xuquje’ 184 chi ch’ich’ ri’.
Eri q’atb’al tzij xkib’ij che ri chak ri’ are terenb’em ub’anik rech kesolixik ri ch’ich’ we man k’ot e eleq’am loq are la’ kasolix utzijolil pa le chakuja rech ri expertaje rech ajchajil tinamit.