Eri Wuqq’ij rech Seguridad Vial 2024, xjaq uwach rynak ri uwokajilal ri Departamento rech Tránsito rech ri Wokajil Ajchajil Tinamit (DT-PNC), ri utaqim kiq’alik ri winaqilal chi rij taq ri k’axk’olil kuya we man utz ta ub’inisaxik ri ch’ich’ kakib’ano xuquje’ rech ya’ik uchuq’ab’ ri ub’e’al b’anon q’alanem kumal ri wokajila rech uq’atexik ri riqon k’ax kumal e ajb’inisal ch’ich’ pa nimab’e. Ruk’ we cholchak, ri Amaq’ Iximulew are jun kutun rib’ che upatanexik ri jun utaqib’alil ri Decenio rech Acción rech ri Seguridad Vial rech ri Organización Mundial rech ri Salud (OMS), ri utaqim uq’atexik pa unik’ajil kikamik winaq rumal kakiriq k’ax pa taq nimab’e pa le 2030.
Eri Ministro rech Gobernación, Francisco Jiménez, ri xuk’am ub’e ri majib’al nimatzij, chi’ sib’alaj xub’ij k’o nim upatanib’al uk’asb’exik ri no’jk’alemalil rech educación vial xuquje’ rech ya’ik uchuq’ab’ ri ya’olchajinem rech kaq’atexik riqon k’ax kumal ri e’ajb’inisal ch’ich’ pa taq nimab’e pa qatinamit.
Eri Taqanel rech ri Departamento rech Tránsito rech ri PNC, Jhonatan Hernández, xub’ij che pa wuqq’ij ri’ kab’an ri foros, ri talleres, ri conferencias xuquje’ nik’aj chik ‘banob’al rech seguridad vial, rech kajipix utzijoxik ri ilom k’aslemam xuquje’ ri ub’anikil q’atenik ri riqon k’ax ri sakon ib’ xuquje’ rech maj jun winaq kakam tane’ chik pa nimab’e.
Pa le b’anoj rech seguridad vial ri’ kek’oji ri nima patanelab’ rech taq taqawokaj pa tinamit, ri e ajkalte’ib’ rech tinamit, ri e’ajchoq’e wokajilal, ri servidores cívicos, ri e’ajtijoxel, e’ajtijonel, ri molaj winaqilal, jeri’ ri e’ajtzijonelab’ rech qatinamit kuk’ ri rech nik’aj chik nimatinamit. Xuquje’, k’o uk’olib’al chajinem xkojik xuquje’ xkojik ri chajinem b’inisam uwach pa taq ri nimab’e rech ri rulewal tinamit aj iximulew.
Eri k’olib’al chajinem ri’ are la’ kasolix kumal ri wokajil ajchajil tinamit rech kakilo we tzij k’o nimam uwach ri Taqanem rech Tránsito xuquje’ ri Retab’alib’alil, rech kakilo we cholajisam ri kiwujilal rech e b’enaq, we kojom ri’ ri pasil rech kub’alil, we man k’ot jun utzijol tzam kub’inisaj ri uch’ich’ xuquje’ rech nimam uwach ri retalil ri k’utb’e xuquje’ we kiqajisam uchuq’ab’ kakib’inisam ri ch’ich, ruk’ nik’aj chik ri’.
Xuquje’ rech kaq’atexik b’anoj k’ax xuquje’ rech e chajim ri winaqilal pa nimab’e pa tinamit, eri rajchajinelab’ ri tránsito e are kakilo kiwujilal kitzijol ri winaqib’ rech kilik we man k’ot jun chi kech taqom tane’ kichapik. Jeri’ xkisolij up