Eri Taqawokajnel rech ri Ministerio rech Gobernación, Byron René Bor Illescas xmolin iwir kuk’ ri wokaj e ajchak rech ri Taqawokajnem ri’ rech pa joremal uterenb’exik kakilo ri kokik ri k’ak’ e q’atb’al tzij e k’amal b’e ri’ pa le 14 rech enero rech pa jun chik junab’ ri’. Eri nim patanel ri’ sib’alaj xuya ub’ixik che we chakunem ri’ are la’ rech pa joremal saqil uchomaxik kab’an ri k’axtajem kijaltajik ri e k’amal b’e nimatinamit, pa utzilem xuquje’ kub’al k’u’x ri’.
Pawe riqb’alil xk’oji ri Segundo Viceministro Administrativo, Otto Gómez ri’; ri Tercer Viceministro rech Q’ateb’al ri K’ax ri’, ri Héctor Morales ri’; ri Cuarto Viceministro rech Tecnología rech ri Información xuquje’ Comunicaciones ri’, a Román Cancinos; eri Quinta Viceministra rech Antinarcóticos, Dana Barillas xuquje’ ri taqanelab’ rech ri Wokajil Ajchajil Tinamit (PNC), e are k’ut xe’opanik pa le unuk’ik utaqik ri ub’ixikil chakunem b’anom ri’.
Eri utzijob’exik ri ucholajil ri rajwaxik are la’ sib’alaj utz kuk’am uq’ab’il ri k’ak’ k’amal b’e nimatinamit ri’ rech kuterenb’ej upatanexik ri cholchak b’anom pa wokajil rumal ri Ministerio rech Gobernación (Mingob). Are la’ kuya pa retalil rech katerenb’ex b’i ub’anik pa le ya’olchajinem winaqil, ruk’ juntir ri jastaq meb’ilem kech taq ri winaqilal ri’.
Pa taq le wuqq’ij petinaq kab’an ri’ le riqb’al taq ib’ kuk’ ri rajawtzij rech ri wokom ajpatanel e k’ak’ k’amal b’e rech pa kub’al k’u’x kab’an uq’axexik uwach taqanem pa saqilal xuquje man k’ot kaq’atenik uwach ri’. Are la’ kupatanij ri b’anonem tzijolil chi wij wari’ che ri Mingob xuquje’ pa le ub’anik utzilem kachajixik ri winaqilal ri’.