Rech kab’an pa aninaqil ub’anik ujipixik uwach ri b’anoj chajinem kumal ri Wokajil Ajchajin Tinamit (PNC) are ri’ jun nimachak tajin ub’anik rumal ri Wokom Amaq’ Iximulew ri’ rech kayak le tinamit winaqil ri kub’al k’u’x kab’antajik. Rumal ri’ e k’o 17 k’ak’ chi ch’ich’ xuquje’ kejach’ich’ xeya pa le parque rech ketak’ab’ wi ri ch’ich’ rech wokajil chajin tinamit. Pa konojel ri ch’ich’ sedán, e k’o 35 xya chech ri Distrito Central ri’ keb’ xya pa La Antigua Guatemala, Sacatepéquez ri’. En k’u ri’ unidades motorizadas, e’are kekoj rumal ri Grupo rech Reacción Inmediata Lobos (GRIL) ri’.
Eri ministro rech Gobernación, Marco Antonio Villeda Sandoval, are xub’an ri ceremonia, pa le sib’alaj xub’ij wi che ri ujaqik uwach ri k’ak’ chakuja ri’ are kuk’utu ri k’ak’ chak tajin ub’anik ri’, rech kaloq’ ri kachakub’al ri wokaj e’ajchajin tinamit. “Eri jujun taq ri ch’ich’ ri are la’ retal tajin kapaqab’ pa kajilal ri e’ajchajin tinamit, rech kak’oji uchuq’ab’ ri kachakub’al rech kechajin chi ke ri winaqil e’aj iximulew ri’ che ri tajin katoq’axik rech kaya’taj pa jikomal ri’”, xcha’.
Xuquje’ eri Taqawokajnel rech Ya’olchajinem pa Tinamit sib’alaj xub’ij che ri chakub’al ri’ are la’ kuya kachuq’ab’ ri wokaj ajchjin tinamit rech utz ub’anik kachak ri’, rech e k’ilaj ketaq che ub’anik ri Wokom K’amal B’e Amaq’ rech kuya uq’ijol. “Eri uchakub’alil ri Wokom Amaq’ xaq xu’ wiri’ k’o ucholajil we k’o pa usaqilal kechakun ri winaq ri’. Eri pa uwokaj ri’ are kajach ri’ rech kechajixik ri winaqilal, rech pa juntir ri’ kaya’taj ri jikomal chi ke ri winaqilal”, xcha’.
Rumal ri’, eri k’ak’ kamal b’e rech ri PNC, David Custodio Boteo, ri are xub’ij che are xcha’ik kaloq’ik ri k’ak’ taq patrullas ri’ are la’ xb’anik jacha ri rajawaxik ruk’ ub’anikil ri puqchajinem kab’anik, pa taq ri tinamit xuquje’ jacha ruk’ taq ri rajawaxik kab’an pa taq ri k’olib’alil che ri qas kak’ulmataj wi ri b’anoj k’ax, rech ya’ik uchuq’ab’ uq’atexik taq ri k’ax ri’ rech are ri rajawik kab’an pa aninaqil”, xcha’.
Eri kejach’ich’ xya chi ke ri Lobos GRIL, eri k’amal b’e Custodio Boteo xub’ij che are ri’ kub’an ri chakub’al rajawaxik rech ri kakoj pa le puqchajinem pa aninaqil ri’, rech kab’an uterne’xik ub’anik pa taq ri kek’ow wi ri k’ilaj ch’ich’ xuquje’ pa taq ri nimatinamit ri’. “Eri jachakub’al ri’ are la’ kub’an ri chajinem pa aninaqil, rech keq’atexik ri e’ajb’anol k’ax ri’ xuquje’ rech kaya uchuq’ab’ ri chajinem kumañ ri División rech Fuerzas Especiales rech Policía (DIFEP) rech qas kataqixik ub’anik ri chajinem ri”, xuk’iso ub’ixik.
Eri q’atb’al tzij ri’ xkib’ij, eri k’ak’ patrullas ri’ k’o k’ak’ taq chakub’al reqam, k’o ri k’ak’ kemeta’mab’al e kojom chi rech taq, rech are la’ kekoj pa taq ri puqchajinem ri’ pa taq wokja pa tinamit. E pa ronojel ri pwaqil xukoj che uloq’ij rumal le Taqawokajnem rech Ya’olchajinem pa amaq’il are ri’ División rech Fuerzas Especiales rech Policía (DIFEP) ri’.
Pa le ujachik ri’ are jun xk’oji ri viceministro rech Seguridad, Roberto Solórzano; ri k’amal b’e rech ri PNC, Héctor González Prera; ri diputado, José Toledo; ri e’ajchajinelab’ ri xya’taj ri chakub’alil chi ke taq wokajil e’ajchajin tinamit rech kaya uchuq’ab’ ub’anik ri puqchajinem xuquje’ kaq’atexik e’ajb’anol k’ax kumal ri wokajil ajchajin tinamit.