We q’ij kamik xtz’apix uwach ri Tijonem ub’i’ Diplomado rech Ub’eyal Ub’anik Ya’el Uchuq’ab’ ri Fortalecimiento rech ri Comercio Formal ri xya’taj chi ke e 30 chi reqa’lenelab’ ri sak’ajil wokaj chakuja rech ri Wokajil Ajchajil Tinamit (PNC). Eri nim riqonem rech tijob’enik ri’ are xb’an pa le Salón Mayor rech ri Ministerio rech Gobernación (Mingob), zona 1 rech uk’u’x nimatinamit Iximulew.
Eri Segundo Viceministro Administrativo ri’ xk’oji pa le b’anonem ri’ chi la’ k’ut ri are xub’ij che we b’anon tijonem chi ke ri reqa’lenel e ajchajil tinamit are la’ sib’alaj katob’anik che ub’anik ri cholchajinem kub’al k’u’x ri xtaq ub’anik rumal ri K’amal B’e Iximulew pa uchakunik ri Mingob pa uq’atexik ri b’anoj k’ayin awan kunab’al ub’i’ contrabando aduanero ri’.
Rumal k’u ri’ eri Gerente rech ri Comisión rech Defensa rech Comercio Formal (Codecof) rech ri Cámara rech Industria Guatemala (CIG) xub’ij, eri diplomado ri’ k’o jun nim utaqib’al ri’ rech kuya’o uchuq’ab’ ri kichakunik ri unidades especializads rech ri wokaj ajchajil tinamit rech uq’atexik ri k’ayin awan jastaq ri’
Eri Secretario General rech ri Universidad Panamericana (Upana) xub’ij che ri tijonem ri’ are xya’taj chi ke reqa’lenelab’ ri unidades especializadas rech ri wokaj ajchajin tinamit, ri katob’an rech ya’ik uchuq’ab’ ri k’uttijonem ri’ rech uq’’atexik ri k’ayin awan kunb’alil
Tijonik chi rij q’atenik k’ayin awan jastaq
Eri ajchajil tinamit xetijox kumal e ajno’j taq tijonelab’ rech ri rachoch ri b’anoj tijonem ri’ pa le 7 rech junio pa le 21 rech julio rech pa junab’ ri’ xuquje’ are wa’ uwach ri tijonik ri’: Majib’al eta’manik rech sak’ajil na’ojib’al rech pa le uq’atexik ri contrabando, ri chakunik rech ri na’ojinik, rech kariq ukojik ri sak’ajil tzukno’jchak chi rij kaq’atexik ri e ajb’anol k’ax xuquje’ rech ub’anik uch’ob’ik ri sak’ajil na’ojilal rech uq’atexik ri k’ayin awan jastaq xuquje’ b’anoj elaq’ pa aduanera ri’.
Pa le diplomado ri’ xek’oji rajchak reqa’lenel ri Subdirección General rech Análisis rech Información Antinarcótica (SGAIA), ri División Nacional rech Q’atenik kuwach ri Pandillas (Dipanda), ri División rech Información Policial (DIP), ri División Especializada rech Investigación Criminal (DEIC), ri División rech Investigación xuquje’ Desactivación rech Armas xuquje’ Explosivos (DIDAE) ri’ xuquje’ ri División rech Puertos, Aeropuertos xuquje’ Puestos Fronterizos (Dipafront) rech ri PNC ri’.