Le Ministro rech Gobernación, Francisco Jiménez, xk’oji pa le nim tzijob’el La Ronda pawe job’ q’ij rech mayo Chi Cwach le Nimwokom Rachoch Tinamit ri’, chi la’ k’ut xuya wi utzijol tajin ub’anik rumal le utaqawokajil ri’ pa le chajin winaqilal, pa le chajinem pa japache’ tz’apib’al, pa le q’atenik taq ri k’ax, pa le kaq’atexik ri e’ajb’anol k’ax xuquje’ pa le q’atenik taq ri k’ax upetik loq pa taq nimatinamit uwachulew.
Le Taqawokajnel ri’, xuya utzijol che xsuk’umaxik xjal uwach ri rachoch ri japache’ tz’apib’al “Renovación II”, k’o pa le tinamit rech Petén. Xuquje’ xuya xub’ij chi k’o nim upatanib’al rech kasuk’umax ri rachoch ri japache’ tz’apib’al ri’ rech ya’ik uchuq’ab’ ri chajinem pa taq rachoch japache’ ri’ xuquje’ rech uq’atexik rokik awan jastaq kunb’al pa taq rachoch japache’.
Are chi’ xch’a’w le Ministro Jiménez xuya ub’ixik ucholajil ri pora’n xb’an pa le rachoch ri japache’ tz’apib’al kech Ixoqib’ rech Xe’laju’, ri man k’ot jun ajpache’ ri’ xk’at chi la’ xaq xu’ wiri’ e k’o xesakataj ri’. Xub’ij chi k’ut che sib’alaj rajawaxik are ri k’ak’ taqanem kab’an pa rachoch ri japache’ rech kemulub’ix ri winaq e tz’apilik pa tinamit ri’.
Eri Jiménez xuquje’ sib’alaj xutzuj che rumal pa aninaqil xe’opan ri Wokajil Ajchajin Tinamit (PNC) xq’atexik uwach ri k’ax xb’an pa le k’isb’al wuqq’ij ri’. Xub’ij k’ut, che ri Wokom K’amal B’e Amaq’ man are taj k’o pa kanima’ ri winaq rech kakib’an ri k’ax ri’, ri kakowon che ub’anik ri are rech kuq’atij ri k’ax kakib’an ri’.
Pa k’isb’al ri’, sib’alaj xuya ub’ixik che rajawaxik kakib’an kuwenta kakeqaj ri k’aqb’al q’aq’ ri’ xuquje’ xub’ij, eri reqaxik taq k’aqb’al q’aq’ are la’ q’atam ub’anikil pa le Nimataqanib’al rech Amaq’ Iximulew, are la’ qas rajawaxik man xaq taj keqax kumal ri winaqil pa tinamit.