Eri reqa’lenelab’ ri Subdirección General rech Investigación Criminal (SGIC) rech ri Wokajil Ajchajin Tinamit (PNC), xuk’am ri k’ak’ taq kemechakub’al ruk’ ri b’anoj k’ak’ taq tzukunem rech uq’atexik ri b’anoj releq’axik pwaqil meb’il pa Iximulew ri’, jacha tane’ uwach ri k’uttijonem “Ya’el Uchuq’ab’ ri Tzukunem rech Uq’atexik ri Poq’san Jastaq xuquje’ Ruk’ B’anon nik’aj chik Jastaq”. Pa le riqon ib’ e’are jun ri rajchomanelab’ ri Intendencia rech Verificación (IVE) rech ri Superintendencia rech Bancos (SIB), ri Superintendencia rech Administración Tributaria (SAT), ri  Organismo Judicial (OJ) xuquje’ nik’aj taqawokajil ri’.

Eri cholchak ri’ are la’ xub’an ri k’uttiijonem rajawaxik rech tijoninem, rech riqon ib’ rech taq k’aq tijob’enik xuquje’ rech taq tijoninem rech ri ketijonik, chi’ k’ut ri’ eri e’ajno’jinelab’ xkib’ij chi rij taq ucholajil ri’ pa le uq’atexik ri releq’axik pwaq meb’il, ri rech ch’ob’onik chi rij taq ri b’anoj k’ax ri’, ri rilik ub’anik taq b’anoj k’ax, ri kemonchak ruk’ Interpol-Iximulew pa le b’anik ri tzukunem pa taq k’ulb’a’til, rech ya’talil pa jumul chik uwach ri jastaq rech uq’atexik taq ri poq’san pwaq meb’il, ruk’ nik’aj chik jastaq ri’.

Eri tz’apin uwach ri riqon ib’ ri’a re xb’an rumal ri Rossana Pérez, rajchomanelab’ ri Taqawokaj Ajtaqon Chajinem pa Amaq’, ri xuya ub’ixik che ri ya’ik uchuq’ab’ ri b’anoj uchak ri taqawokajilal ri’ pa le b’anik ri cholchak ri’ k’o jun nimalaj rutzilem pa ub’anik taq ri tza taq tzukunem ri’ xuquje’ ri are la’ sib’alaj rajawaxik are kab’anik rech kaq’alisax uwach taq ri b’anoj k’ax ri’. “We cholchak ri’ are la’ jun nim k’utuyeb’al rech nimekemon ri nimatinamit amaq’ib’ xuquje’ rech are ri chak rech uq’atexik taq ri b’anoj k’ax ri’, xcha’.

Eri Pérez xuquje’ xuch’ob’ ri tijowchuq’ab’ chak, ri nimanem tzij, xuquje’ ri rech reqa’lexik ri kipatanil ri rajchak ri taqawokajil ri’, rech utaqixik ya’ik uchuq’ab’ ri kach’ob’oj keta’mab’alil xuquje’ ri kachakuxik pa le uq’atexik ri releq’axik taq ri pwaq meb’il. “Ri uchak ri’ are k’o nim upatanib’al rech kawok uwach ri jun kemon winaqila ri sib’alaj kub’al k’u’x xuquje’ ri jikom uwach ri’”, xcha’.

Eri Davis Custodio Boteo, k’amal b’e rech ri PNC, xub’ij che ri cholchak ri’ xb’anik pa le uq’ijol ub’anik ri nimakemon tob’anem kumal ri wokom amaq’ rech Iximulew xuquje’ Japón. “We tijowchuq’ab’ b’anoj chak ri’ man xaq ta ri’ rech xajawax tane’ xb’an rumal ri taqawokajil, xuquje’ are jun rilonik rajawaxik rech kakub’isax uwokik le jun amaq’ tinamit kub’al k’u’x, ri k’o usuk’ilal, jikomal xuquje’ k’o pa junamamil taqanem”, xcha’.

Sib’alaj xb’ixik eri kemon chomanem kumal taq ri amaq’ib’ nimatinamit ri’ are k’o nim upatanib’al rech uq’atexik ri b’anoj tijowchuq’ab’ chak, rech utz ukojik xuquje’ rech utz ub’anik taq ri tzukunem rajawaxik pa amaq’ tinamit ri’. “Eri nimakemon tob’anem kumal taq amaq’ib’ pa uwachulew are chi’ kab’an ri  uq’axexik ri eta’manem xuquje’ ri ub’anikil taq chak, rech kub’an le jun utzilaj chakub’alil rech kakowon che uk’exik uwach taq ri b’anikilem ri rajawaxik che ri Iximulew ri’”, xcha’.

Eri Chihiro Ogata, rajchomanel Residente Adjunta ri JICA-Guatemala; sib’alaj xub’ij che ri k’extal uwach ub’anob’alil ri tijoninem ri’ are xtob’anik rech xuya uchuq’ab’ ri b’anoj taq chak, rech b’anik utz eta’manik rajawaxik xuquje’ rech xkojik ri jupuq e’ajchakunelab’ ri kekowon che uq’atexik taq b’anoj k’ax che ri kub’an k’ax releq’axik ri pwaq meb’il xuquje’ ri ya’olchajinem pa amaq’ tinamit.

Eri cholchak ri’ are kuk’utu chi k’o nim upatanib’al ri b’anoj kemon tob’anem rajawaxik rumal ri Ministerio rech  Gobernación (MINGOB) xuquje’ rumal ri Agencia rech Cooperación Internacional rech Japón (JICA) ri’  rech taqim ya’ik uchuq’ab’ ri b’anoj chak xuquje’ ri puqtzukunem rech ri Ub’anikil ri uq’atexik k’ax xuquje’ ri releq’axik pwaq meb’il, jacha ruk’ ub’anik pa taq ri plataformas digitales xuquje’ ruk’ ri ub’anikilem sistemas bancarios ri’. Ri ruk’ ub’anik ri toq’ob’anem rech ri tob’anik uwach ri Centro rech Uq’atexik Releq’axik Pwaq Meb’il xuquje’ ri Q’ub’am Elaq’nik pa Taqakawokajilal (IFCACC) rech Interpol ri’.