Eri tzukno’jchak xb’antaj kumal reqa’lenelab’ le División Especializada rech Investigación Criminal (DEIC) rech ri Wokajil Ajchajil Tinamit (PNC) kimik xekowon che uchapik ri jun kamisanel uwinaqil ri jun pandilla rech ri Barrio 18, ri “Chino” kab’ix chi rech, ri are xchapataj loq pa jun puqtzukunem xb’n chaq’ab’ pa le calle principal rech ri barrio Miramar, pa Puerto San José, Escuintla ri’.
Eri xchapatajik are ub’i’ a Erick N, 41 ujunab’, are kab’ixik xkamisan rech ri alkalte rech Chuarrancho, pa le 26 rech febrero ri’ pa le kilómetro 12 nimab’e kab’e pa Atlántico ri’. Eri xkamisanik xub’ano are chi’ b’enaq pa le uch’ich’ ri ajkalte ri’ are chi’ xk’aq kumal nik’aj winaq e b’enaq chi rij jun kejach’ich’ q’eq rij kaka’yik.
Are chi’ xb’antaj ri k’ax rumal, eri rajtzukunelab’ ri DEIC xkib’an jun rilik uch’ob’ik ri b’e xumajo are chi’ xranij rib’, eri puq ajtzukunel ri’ pa taq le resal rachib’al tz’ib’atal wi rilik ri’.
Te k’u ri xkib’an k’i taq uch’ob’ik uwach rech xekowonik xkilo xkiq’alajisaj jachin xb’anoj ri jun k’ax kamisanik ri’.
Eri komon chakunem xb’an kumal ri puq rajtzukunel ri DEIC xuquje’ rumal ri Fiscalía rech Delitos contra la Vida xuque’ rech Integridad rech ri Personas rech ri MP, e’are k’ut xkiterne’j ri tzukno’jchak chi rij ri jun k’ax ri’. Rumal ri’ eri jun a “Chino” xk’amataj b’i pa le q’atb’al tzij rech kuq’at tzij pa uwi chi rij ri k’ax xub’ano.