Rech taqim ub’anik ukojik taq rachoch chajinem pa tinamit xuquje’ rech ya’ik uchuq’ab’ ri chajinem winaqil pa amaq’ tinamit, rumal ri’ pawe q’ij kimik xjaqitaj uwach ri subestación 15-1-9 rech ri Wokajil Ajchajin Tinamit (PNC) pa San José, Villa Nueva, rech Iximulew ri’. Are wa’ xb’antaj jun b’antajil pa le katijoxik ri b’anoj chajinem rumal ri Ministerio rech Gobernación (Mingob) ri’ xuquje’ rech kuya utzijlaj uchuq’ab’ ri wokajil ajchajin tinamit rech kab’an ri utz nimchak rech uq’atexik ri b’anoj k’ax xuquje’ ri molaj e’ajb’anol k’ax ri’. Xuquje’ rech ketob’an pa le ujipxik ri b’anoj patan pa tinamit.
Ei rachoch ri chajinem tinamit ri sib’alaj k’o nim rutzilal rech kaya kiq’ijol ri kichak ri e’ajchajin tinamit jacha pa taq kachakub’al, rech pa choman winaqilal ri’ xuquje’ rech ri kewari wiri’. Eri kachoch ri’ chi’ ke’uq’i’o wi e 35 reqa’lenelab’ e’ajchajin tinamit che ri rech kuya kichuq’ab’ ri e’ajb’anol ri k’ax, rech kub’al k’ux’ kechajixik rech kek’oji pa joremal ri winaqilal chi la’ k’ut.
Eri umajtib’al ri’ are xk’am ub’e ub’anik rumal ri viceministro rech Antinarcóticos, Victor Cruz ri’, achb’ilam rumal ri k’amal b’e rech ri PNC, David Custodio Boteo xuquje’ eri q’atb’al tzij chi la’ k’ut pa Villa Nueva. Eri Viceministro Cruz sib’alaj xub’ij che ri “k’ak’ rachoch chajin tinamit ri’ are la’ jun nimachak xb’an pa le nim uq’atexik ri b’anoj k’ax xuquje’ rech jun utzilaj ilonem rajawaxik chi ke ri winaqil ri’. Xuquje’ rech ya’ik uchuq’ab’ ri b’anoj chajinem uq’atexik k’ax, rech keq’atexik ri e’ajb’anol k’ax xuquje’ rech ya’ik uchuq’ab’ ri ub’anik ri chajinem pa amaq’elil ri’”.
Rumal ri’ eri K’amal B’e Custodio Boteo, xub’ij: “eri rachoch chajinem tinamit ri’ are la’ jun nuk’chomab’alil rumal ri’ q’atb’al tzij tinamit rech Villa Nueva xuquje’ ri PNC, jun kemonchak q’alajisab’al ´pa amaq’el chi ke ri winaqil jacha tane’ jun runimal ri taqaninem pa amaq’ tinamit. Eri jaqib’al uwach ri’ are la’ jun umajib’alil rech kek’oji ri e’ajchajinel pa tinamit chi kinaqaj ri’, pa rutzilem anma’ pa sak’ilal, ri rajawaxik chi ke ri winaqila pa rulewal amaq’ tinamit ri’.