E k’o jo’lajuj chi puq tz’i’ e’eqa’lenelab’ xe’opan kimik pa xik’ach’ich’ pa rulewal tinamit rech kakitunu kib’ kuk’ ri Binomios K-9, ri jun ajk’amal b’e chi ke ri jun chik are ri tz’i’ eqa’lenel ri’. Eri awaj ri’ are la’ kuya uchuq’ab’ ri b’anoj puqtzukunem pa kaq’atexik ri narcotráfico xuquje’ ri molaj b’anol k’ax.
Eri Viceministra rech Antinarcótico xuquje’ Seguridad Fronteriza, Clauda Palencia ri’ are xe’uk’ul apan ri pa rachoch k’olib’alil ri COMBEX-IN. Sib’alaj xub’ij che ri tz’i’ ri’ e’are xejach pa taq ri uwokajil puqtzukunem rech ri Ministerio rech Gobernación (Mingob). Xuquje’ xub’ij chi k’o nim upatanib’al ri jun tob’anem ri’ pa le kaq’atexik ri narcotráfico ri’ xuquje’ nik’aj molaj b’anol k’ax.
Le nan al Palencia ri’ xuquje’ xumaltyoxij ri utob’anik xya’tal loq rumal ri Oficina rech Asuntos Antinarcóticos xuquje’ Aplicación rech ri Taqanem (INL) rech ri Embajada rech ri Estados Unidos rech América ri’, k’a pa xmajtaj loq ri q’atojchak taqanem ri’. “Kimik are kaqilo k’ut ri jun k’ak’ kaya’ik loq ri tz’i’ ri’ rech e’are la’ ke’ux pa le Binomio K-9 chuwe’q kab’ij”, xcha’.
Eri tz’i’ eqa’lenel chajin tinamit chuwe’q kab’ij e’are ri’ xetijoxik pa le Escuela Centroamericana rech Entrenamiento Canino (ECEC), rech kakitzukuj ri awan kunb’al, poq’sal q’aq’, k’aqb’al q’aq’, pwaqil xuquje’ ch’aweb’alil. Te k’u ri’ ri tz’i’ eqa’lenel ri’ kuk’ ri kamal kib’e xkib’an jun k’utub’alil jacha ri kakib’ano are chi’ ke’ok che tzukunik pa kachoch winaq ri’ rech pa le utzukuxik awan jastaq pa kub’al k’u’x ri’.
Are chi’ xk’is katijoxik, eri tz’i’ ri’ ketaq ri’ pa le Subdirección General rech Análisis rech Información Antinarcótica (SGAIA) ri’, ri División rech Investigación xuquje’ rech Uq’atexik taq K’aqb’al Q’aq’, Poq’sab’al Q’aq’ ri’ ub’i’ (DIDAE) rech ri Wokajil Ajchajil Tinamit (PNC), xuquje’ ketaq pa kaq’ab’ rajchajinelab’ ri Wokajil Ajchajin pa Japache’ Tz’apib’al ub’i’ (SP) ri’.