Eri K’ak’ ub’anikil Taqanem pa Japache’ Tz’apib’al are kakoj pa 21 tz’apib’alil rech pa we amaq’

Eri K’amal b’e Amaq’, Alejandro Giammattei ruk’ ri  Viceministro rech Seguridad Gendri Reyes xuquje’ kuk’ ri q’atb’altzij rech ri Sistema Penitenciario k’o jun opanem xkib’an pa keb’ Japache’ Tz’apib’al kech Ixoqib’ ri’.

Pa le nab’e xe’opan wi are pa le Centro rech Orientación Femenina COF rech ketamaxik kib’antajil ri 850 chi e ajpache’ e tz’apil ri’, chi’ che ri we kamik k’o wi jun ch’uti’n b’anb’al jastaq xuquje’ pa le ukab’ ri’ pa le Centro rech Rehabilitación xuquje’ Reinserción Fraijanes 1, che ri k’o pa uq’ab’ ri K’ak’ Ub’anikil Taqanem pa Japache’ ri’.

Pa Fraijanes 1 chi’ xk’ul apanaq rumal ri K’amal b’e rech ri K’ak’ ub’anikil Taqanem ri’, Juann Carlos Corzo, ri k’o jun uwa’katik xub’an pa taq le ja tz’apib’al che ri keraqataj wi ri 52 chi ixoqib’ e tz’apil ri’, e are k’ut e k’o pa le cholchak rech b’anoj tijonem chi ke pa amaq’el, rech kakitijoj kib’ xuquje’ rech kechakun chi’, ri maj wi saq’arem ri’.

Eri K’amal b’e Amaq’ Giammattei xub’ij che ri taqim rilik chi’ are jas ri ub’anikil ri chak kab’an chi’ rech kab’an pa taq le nik’aj chik 21 chi japache’ rech pa we amaq’, ri are pa nojimal kachakux ri’ rech eri e ajpache’ ri’ kekunik kek’oji pa taq le jalajoj uwach tijonik ri’ ri k’o tob’anem kuya’ chi ke xuquje’ rech are kakikojo aretaq keb’el loq.

Eri cholchak ri’ are kamajtaj pa le COF ri’, chi’ k’u ri’ chomam chik rech kuya’ uchuq’ab’ ri maquila’ k’o chi’ ri ruk’ wa’ kab’an atz’iyaq’ rech kakuch uwi ch’at ri’ xuquje’ ri katz’iyaq ri e ajkun rech ri Ministerio rech Salud.

Eri K’amal b’e Giammattei xub’ij che kaki’kotik ruk’ ri kuchakux pa le k’ak’ ub’anikil japache’ ri’, rumal k’ut are wa’ jun rachib’al ri k’o pa le República Dominica ri’, xuquje’ are ri nab’e tz’aqatil uwach ri’ ri e k’o wi 90 chi e ajpache’ ri’, ri keta’m jas le ub’anikil ri chak kab’an chi’ xuquje’ are wa’ katob’anik pa le chakunem kab’an pa le COF ri’.

Xuquje’ are ri q’ijol che ri rajawaxik rech ketijoxik ri e ajchak ri’ che ri e rajawtzij chi’ xuquje’ ri kechajin ri ixoqib’ e tz’apil chi’ pa Japache’ ri’ VTP, ri ketijoxik xuquje’ ri kub’al k’u’x ri chak kakib’an ri’.