Eri K’amal B’e Amaq’ Bernardo Arévalo, rachi’l le Ministro rech Gobernación, Marco Antonio Villeda, kuk’ ri patanelab’ rech ri Wokom K’amal B’e Amaq’ Iximulew xuquje’ kuk’ rajchomanel ri Embajada rech Estados Unidos, pa viernes ri’ xkib’an jun solinem pa rachoch k’olib’al ri Empresa Portuaria Quetzal (EPQ), pa Escuintla. Eri kemon patanelab’ xkib’an jun wa’katem pa le rachoch uk’olib’al ri’ rech xkib’an le rilik ri nab’e taq uchakunik xuquje’ ri ub’anikil taq chajinem chi la’ k’ut.
Are ri’ uwach ri cholchak ri’, eri q’atb’al tzij xkib’an le rilik ri puq ajchakunelab’ e rajawaxik ri k’ate xe’ok pa le portuaria, jeri’ xkilo ri chak tajin ub’anik ri’ rech kab’an ri utzilaj chajinem, ri saqilem xuquje’ ri rutzilal ri comercio marítimo ri’. Eri Wokom K’amal B’e Amaq’ xub’ij, che tajin ub’anik ri taqim, tajin kikojik na e k’i wokajil e’ajchajinelab’ pa taq ri puqchajinem pa le wokajilal ri’.
Pa kopanik, pa kawokajil xkib’an le rilik ri jun k’utuyeb’al rech uriqik awan kunb’al pa uwi nimapalow, ri b’anom pa kemonchak ruk’ ri Wokajil Ajchajin Amaq’ Iximulew kuk’ nik’aj chik taqawokajilal. Eri banowem ri’ are kuya uchuq’ab’ uq’atexik molajil b’anoj k’ax e rech taq nik’aj chik amaq’ib’ nimatinamit apanoq xuquje’ rech ub’anik utz chech ri chajiem pa fronteras marítimas, pa usuk’il ri tijowchuq’ab’ chakunem pa kemon rech uq’atexik kiq’axexik winaqil maj kuwujil keqam xuquje’ rech kakub’isax ub’anik ri comercuio segurio pa rulewal taq tinamit.