Eri Ministro rech Gobernación, Gendri Rocael Reyes Mazariegos xuquje’ ri Primer Viceministro rech Seguridad, Carlos Enrique Franco Urzúa, xkichb’ilaj ri K’amal b’e Amaq’, Dr. Alejandro Giammattei, pa le Ukaj Nimariqoj ib’ Chomanem ri’ rech pa aninaqil xkichomaj uq’atexik ri k’ax ch’ojinik chi kuwach ri winaqilal rech taq ri tinamit rech Nahualá xuquje’ Santa Catarina Ixtahuacán, rech ri tinamit rech Tz’oloja’.
Aretaq xk’is ri nimariqoj ib’ ri’ eri ajchomanelab’ rech ri kab’lajuj chi aldeas xetatab’enik pa le Nimachomanem ri xk’am ub’e rumal ri K’amal b’e Amaq’il, sib’alaj xkito ri xhcomaxik pa le nimariqoj ib’, ri xchomax wi rech kab’an jun nimtzijonem kuk’ ri winaqilal ri’ rech kakiya ri peraj juyub’ che ri okisam kumal ri winaqilal rehc ri aldea Pachuquitim de Nahualá, rech kesax ta pa kaq’ab’ ri’, ri e ajchoq’e ri Aldea rech Chiquisis, rech k’ut ri Santa Catarina Ixtahuacán ri’.
Xuquje’ xuchomaxik che pa le Registro rech Información Catastral (RIC) rajwaxik kaq’atik ri kopan wi ri k’ulb’a’t ri juyub’ ri’ xuquje’ rech kakoj ri uk’ulb’a’til chi la’ k’ut rech maj jun chi ke kumin ta rib’ pa jun chik aldea ri’.
Ronojel wari’, are la’ kab’an pa we q’ij ri’, rech te k’u ri’ kakiya’ ri sachib’al maj chi kuwach rech kek’oji pa joremal ri’, xuquje’ are retal ri’ ri utzalaj ranima’ k’o ri K’amal b’e Amaq’ rech xujito jun nimapwaq Q 50,000,000.00 chi ke ri keb’ tinamit ri’ rech kakiyak rachoch tijonem, rachoch ja rech kunanib’al, rech katz’aqik ri nimab’e pa tinamit ri’, rech kakoj kija’ kijoron, we are kakito kakinimaj tzij k’ut.
Xuquje’ xchomatajik pa joremal b’a’ ketzalij loq ri e k’i taq familias pa kachoch ri k’o chi la’ pa le aldea Pachuqutim xuquje’ rech kakiya’ ri b’e rech keq’ax b’i chi kuwach k’ut.
Eri K’amal b’e Amaq’, Alejandro Giammattei, rech b’a’ maj b’anoj chi k’ax xub’ij ri’ eri winaqil che ri xkib’an k’ax chi ke ri winaqil pa diciembre kanoq, sib’alaj katajin katzukuxik ri’ xuquje’ xujit jun nimapwaq rech katoj chi ke jachin kakib’ij loq ri keriqitaj wi nik’aj b’anol k’ax ri’ xuquje’ eri tzukunem chi kij sib’alaj xuk’am uchuq’ab’ ri’ rech pa aninaqil k’ut kechap loq rech kek’am b’i pa q’atb’al tzij ri’.
Eri K’amal b’e Amaq’, xub’ij we ri winaqil ri’ e k’o pa ch’oj ri’ rajwaxik b’a’ kakinimaj tzij rech kek’oji pa joremal xuquje’ pa utzilem ri’ rech te k’u ri’ pa aninaqil k’ut kamajtaj ub’anik ri nimab’e che kijitim kanoq ri k’amal b’e amaq’ e q’axinaq chik xcha’.