Are la’ uwach utaqik ri Control Telemático pa b’anoj q’atoj Tzij rech Iximulew, paq’ij 11 rech mayo xb’an retaxik ukojik ri’, eri nab’e k’uttijonem chi kech ri q’ato ltzij kuk’ ri rajchak ri Corte Suprema rech Q’atoj Tzij(CSJ). Pa ub’anik ri tijonem rech oxib’ q’ataj uwah rech utz ukojik xuquje’ rech utz kachakun ri chakub’al ri’.

Eri Taqawokajnel rech ri Ya’olchajinem rech Amaq’ xub’ij che ri K’amal B’e rech ri Amaq’il ruk’ ri Ministerio rech Gobernación (Mingob) ri’, are k’o nim upatanib’al rech ya’el uchuq’ab’ ri taqanem pa wokaj japache’ ruk’ ub’anik k’ak’ ri q’atoj Tzij pa qatinamit. “Xb’an utzijob’exik chi kech ri rajchak ri Organismo Judicial (OJ), ri b’anoj uchakuxik, uq’atik ri b’anoj chak ruk’ ri uq’ataj pa saqilem are la’ kab’an chech upatanexik we cholchak ri’, ri are kab’an pa jun chik uwach wuqq’ij pa le b’anoj ukab’ k’uttijonem pa kawinaqil xuquje’ pa kaqiq’ chi kech ri’”, xcha’.

Rumal ri’ eri Magistrado Uk’amal B’e ri Cámara Penal rech ri CSJ xub’ij che we ukojik wa’ ri tob’chakub’al ri’ are kuya’o jun nim ub’inisaxik uwach ri k’ak’ taqanem pa taq q’atb’al Tzij aj iximulew. “Eri rajchak ri q’atol Tzij ya’tal ri’ jun tijonem chi kech chi rij ukojik we k’ak’ tob’chakub’al ri’ are rech b’a’ eri q’atol Tzij are kakitaq ukojik chi kech ri winaqil e ajpache’ are chi’ ketaq b’i pa kachoch”, xcha’.

Eri Unidad rech Control Telemático rech ri Mingob e k’o rajno’jchakunel k’o nimalaj keta’mab’alil e are k’ut chi paq’ij chaq’ab’ ruk’ wa’ kakiterenb’ej kachajixik ri winaqil keriqitaj pa q’atoj Tzij ri’. We chajib’al ri’ are la’ kuk’ut chi kech ri q’atb’al Tzij ri pa aninaqil jawchi’ kariqitaj wiri’, wexa’ k’o karaj kub’an chech, wexa’ k’o karaj karesaj chech, wexa’ k’o kech’a’w ta ri’ wexa’ k’o keb’e naj rech kakesaj b’i kib’ ri’.