Sib’alaj kuk’am uchuq’ab’ ri kaq’atexik ri narcotráfico kuk’ ri molaj b’anol k’ax pa taq amaq’ib’, ruk’ ri katijoxik ri wokajil e’ajchajin tinamit ri kakiq’atij awan kunb’al ri’. Eri b’anow tijonem ri’ are uwach ri Ukab’ K’uttijonem kumal Amaq’ib’ rech Uq’atexik ri Fentanilo, pa le e’are jun xek’oji ri e kajlajujn chi k’amal b’e K-9 rech ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), kuk’ ri keb’ reqa’lnelab’ ri Policía Penitenciaria rech Costa Rica, keb’ detectives rech ri Ministerio Público rech Honduras ri’ xuquje’ keb’ reqa’lenel ri Wokajil Chajin tinamit hondureñas ri’.
Eri ajchajin tinamit xuquje’ ri e’ajtzukunelab’ sib’alaj xkiya uchuq’ab’ ri keta’mab’al ruk’ ri b’anik ri kichak rech tzukunem, rech uch’ob’ik usiqik ri jastaq xuquje’ katijoxik chi rij kichak ri tz’i’ e’eqa’lenel. Jeri’ chi rij ub’anik ri chajinem ri’.
pa junamamil ri’, eri tz’i’ e’ajeqa’lenel sib’alaj xetijoxik chi rij usiqik uxlab’ ri fentanilo ri’, rech kakik’utu ruxlab’ ruk’ taq ri awan kunb’al xuquje’ we xekowon k’ut che uch’ob’ik kaya jun ketz’ab’al wexa’ xekwon che uriqik ri’.
“Eri b’anow tijowchuq’ab’ reta’maxik ri’ are la’ jun nim q’axenik tajin ri’ pa le ya’ik uchuq’ab’ ri u’attexik taq uwach ri nuk’molaj b’anow k’ax ri’ pa taq amaqib’. Eri fentanilo ri’ rumal ri che sib’alaj kub’an k’ax chi ke ri winaq, sib’alaj toq’im uq’atexik pa kemonchak ri sib’alaj rajwaxikr i’”, xha’ ri viceministro rech Antinarcóticos, Víctor Cruz.
Sib’alaj xub’ij che ri k’o nim upatan ri katijoxik ri Binomio K-9, ri are kuwah jun k’amal b’e xuquje’ jun tz’i’ eqa’lenel, ri pa kijuk’ulaj ri’ e’are jun utzilaj chokonsab’al rech pa nab’e uriqik taq ri awan kunb’al ri’. “Rech kab’an utz uchuq’ab’ ub’anik ri puqtzukunem kumal, xuqje’ rech e’are ketob’anik pa uya’ik uchuq’ab’ wokajil ajchajin tinamit ri’”, xcha’.
Sib’alaj k’o nim kipatan ri wokajii ajchajinel pa amaq’ib’ ri kuk’utu chi k’o jun nim kemonchak tajin kumal pa le kaq’atexik ri nuk’molaj b’anol k’ax pa taq amaq’ib’. “Eri kemonchak katob’anik taq ri amaq’ib’ ri’ are la’ k’o nim upatan ri’ rech kaq’atexik uchuq’ab’ kuwaq ri nik’aj molaj b’anol k’ax ri’”, xcha’.
Eri a Wuilber Arreaga, subdirector rech ri SGAIA, xub’ij che ri wokajil ajchajinelab’ e’antinarcóticas rech ri PNC, xkiya kiwujilal le gu’asi K-9 pa uriqik ri fentanila’ rech keb’ junab’ katijoxik. “Are wa’ kuya nim uchuq’ab’ ri kemonchak tob’anik pa rulewal taq amaq’ib’, rech ri kemonchak xuquje’ ri b’anow chak uq’atexik xuquje’ rech kaq’atexik ri narcotráfico ri’”, xcha’.
“Kinch’ob’o le nim kipatan ri e’ajchakul rech ri’, jeri’ le e 20 ri e’ajtijoxel pa le tijionem ri’. Sib’alaj kenutoq’ij ub’ixik chi ke che chakib’ana b’a’ ri xkich’ob’o xketa’maj jacha ri xtijox chi ke, ruk suk’ilal xuquje’ ruk’ ronojel kik’u’x. Chiterne’j ub’anik pa usuk’il ri’, pa junamil xuquje’ pa le kachajix kato’ik le qawinaqilal” xcha’ ri Arreaga.
Eri rajchomanelab’ le Oficina rech Asuntos Antinarcóticos xuquje’ Aplicación rech ri Taqanem (INL) rech ri Embajada rech ri Estados Unidos rech Kaxlan Nimatinamit, David Tagle, xub’ij chi k’o nim upatan rech utunik kachuq’ab’il ri wokajil ajchajin tinamit rech oxib’ amaq’ib’ ri’. “Eri nim kemotob’anik pa rulewal taq nimatinamit are k’o nim upatanib’al ya’talik rech uq’atexik ri e’ajb’anol k’ax pa taq k’ulb’a’til juyub’ pa amaq’, ri e’ajk’ayin taq awan kunb’al, jacha ri’ ri fentanilo”, xcha’.
Eri b’anow kemon tob’anik kumal ri kemon taq amaq’ib’ are k’o nim upatan rech ri ub’anik ri K’uttijonem. Eri tijonem ri’ are rech eta’mab’alil xuquje’ rech kach’ob’ ub’anik ri’ pa le keb’ q’ij k’a pa le 27 rech marzo ri’, pa le Escuela Centroamericana rech Entrenamiento Canino (ECEC), k’o pa Barberena, Santa Rosa ri’.