Eri reqa’lenelab’ le Wokajil Ajchajin Tinamit (PNC) xetatb’enik che le nima uchuq’ab’ tijonem chi rij sak’ajil rech puqtzukunem pa tinamit, rech ya’ik uchuq’ab’ ri puqtzukunem rech keq’atexik uchuq’ab’ ri nuk’molaj b’anol k’ax pa taq amaq’ib’.
Le uq’ij le tijonem ri’ are ya’tal utob’anik chi rij rumal le Oficina rech Asuntos internacionales rech Narcóticos xuquje’ rech Kojob’al rech ri Taqanem Tzij rech ri Departamento rech Estado rech Estados Unidos (INL), ri kuya nima uchuq’ab’ ri wokajilal rech chajin tinam are la’ rech kaq’atexik ri nik’aj kakib’an ri k’ax pa Iximulew xuquje’ Estadoa Unidos ri’.
Eri kakib’ij le q’atb’al tzij ri’, eri k’uttijonem ri’ are la’ kusuk’umaj ub’anik le kichak rech keq’atexik ri molaj b’anol k’ax pa taq amaq’ib’ ri kakib’an ch’ijom k’ax chak chi ke ri winaqil, jeri’ nik’aj chik e’ajb’anol k’ax kuk’ ri pandillas rech nik’aj chik amaq’ib’. Eri utzijob’elil ri reta’mab’al ub’anik ri utz taq b’anowem ri’ are la’ utaqim uya’ik uchuq’ab’ ri kichakunik le PNC pa aninaqil, are chi’ keb’e pa taq nima puqtzukunem rech uq’atexik k’ax, are la’ rech nima katob’anik pa le kachajixik ri winaqilal xuquje’ rech kaya’ nima uchuq’ab’il ri chajinem winaqilal pa amaq’ tinamit.
Le Ministerio rech Gobernación sib’alaj xuya utzijol ub’ixik che ri chajinem xb’anik are la’ le nima uwach chak xb’antajik rumal le nima utob’anik le Estados Unidos ruk’ Iximulew ri’ are la’ rech katob’anik che uya’ik uchuq’ab’ le kichak le wokajilal ri’ xuquje’ rech katob’anik pa aninaqil pa le kaq’atexik ri nik’aj molaj b’anol k’ax pa amaq’ tinamit.
—
Muchas gracias por su fina atención y apoyo de siempre.
Atentamente,
Licenciado Domingo Vásquez Gómez. Encargado de Traducción – Página Web
Ministerio de Gobernacióntraduccionquiche@gmail.com
mingob.gob.gt
Un archivo adjunto • Analizados por Gmail
