E pa viernes nab’e q’ij rech agosto, eri ajchomanelab’ rech taq ri wokajilal pa tinamit xkimol kib’ pa le Museo de Los Niños rech xmajtaj ub’anik ri ya’ltzijol pa tinamit ub’i’ #QueNoTePase, ruk’ utob’anik ri Ministerio rech Gobernación (Mingob) rech uwokik xuquje’ rech upatanexik ri’. Pa le b’anowem ri’ xek’oji ri Viceministra rech Prevención, Mayda de León rachb’ilam ri k’amal b’e rech ri organización Child Fund Centroamérica, Liza Hernández; ri taqanel rech ri Secretaría Contra la Violencia Sexual, Explotación xuquje’ Trata de Personas, Liza Hernández; xuquje’ ri diputada Elena Motta ri’.
Eri ya’ltzijol ri’ are xk’ut rumal ri especialista rech Child Fund María Fernanda Morán ri ub’ij chewe ruk’ ri cholchak ri’ are kepixb’exik ri taq ak’lalab’ xuquje’ ri e q’apoj ak’alab’ chi rij taq ri k’ax che ri kakiriq pa taq uwachwuj pa kaqiq’. Eri runimal taq tzij xutzijox ub’anikil ri b’anoj taq elaq’nik, toq’inik pwaq, chi rij taq resaxik rachib’al ri itzelb’anoj ruk’ ri kab’an pa uwachwuj pa kaqiq’.
Pa le ilob’anem ri’ xek’oji ri e’ajtijoxel rech taq rachoch tijob’al ri xjach ri wujtzijol chi ke ri’ rech ya’ik ub’ixik ri rajilab’al cha’web’alib’al ruk’ ri wokajil che ri ya’tal ke’opan wi’ che ub’ixik wexa’ rajawaxik xuquje’ rech kaya ub’ixik wexa’ jachin k’o kuk’ulmaj ri k’ax ri’ pa taq uwachwuj pa kaqiq’. Eri ub’ixik loq are kak’am loq uq’ab’il pa taq le wokajilal ri’ rech katerne’x rilik, rech pa saqil b’a’ qas kab’an le uchomatajik.
Pa k’isb’al ri’ xb’an jun utzijob’exik kuk’ taq ri ri ajchomanelab’ rech taq wokajilal che ri e’are jun chi rij wari’ ri xechomax wi ri taq ak’alab’ ri’. Eri ya’ltzijolr i’ are la’ taqom ub’anik rumal ri Mingob rech ya’ik uchuq’ab’ uk’amansaxik ya’ik ub’ixik xuquje’ ri jun kipatanil ri winaqilal pa tinamit pa le rilik taq jikom ilonem pa taq uwachwuj pa kaqiq’ xuquje’ pa le kemechokonsab’al ri’.