K’o 98 chi b’anoj tzukunem xmajtaj loq ub’anik pa le 15 rech enero k’a pa le 31 rech julio ri’ ruk’ katob’anik ri jalajoj taq uwokaj ri Nimawokajil Taqon Chajin Tinamit (PNC) xuquje’ rumal utob’anik ri Fuerza Élite rech ri Sistema Penitenciario (SP), rech utaqixik ya’ik uchuq’ab’ xuquje’ rech kab’anik ri solinem tzukunik pa jujun taq sector rech ri juk’al keb’ (22) rachoch taq japache’ tz’apib’al k’o pa taq tinamit ri’.
Eri q’atb’al tzij rech ri Subdirección General rech Investigación Criminal (SGIC) xkitzuj ri’ eri tzukunem xb’an pa amaq’el ri’ rech xtzukuxik ri awam jastaq pa taq k’olib’alil, pa taq k’olib’al ub’iqb’al raqan ja’, pa le xan, pa le b’olob’ik ub’e ja’, pa taq le che’ xuquje’ pa ulew pa taq juyub’ ri kuchum ta rij.
Eri awam jastaq xriqitaj ri’ man ya’tal taj rech kakoj kumal ri winaq e tz’apilik rech kakikoj tane’ pa le b’anoj k’ax chi ke ri winaqib’. Eri tzijol ri’ are la’ kab’an pa le keb’ q’ij rech junio, rech kasuk’ub’exik ronojel ri rachoch japacche’ tz’apib’al ub’i’ Centro rech Alta Seguridad Canadá “El Infiernito”. Rumal ri’ xb’an le nim kaq’axexik le 225 chi uwinaqilal ri Pandilla rech ri Barrio 18, rech ketz’apib’ rumal k’o jalajoj uwach taq ri k’ax kib’anom.
Eri Ministro rech Gobernación, Francisco Jiménez sib’alaj xub’ij che k’ate nab’e mul xb’an wari’, rumal k’ut lajuj junab’ chik b’anom ri’, rumal k’ut chanim k’o chik pa uq’ab’ juntir ri b’anoj chajinem pa rachoch ri japache’ ub’i’ “El Infiernito” ri’.
We kamik katajin ru b’anoj ujalik uwach ri rachoch ri nim japache’ rech k’o wi nim tz’apinik chajinem ri’.