Eri nab’e radio pa uwachwuj q’aq’nil rech ri taqawokajnem ri’ are la’ xkojik paq’ij 7 rech diciembre rech 2017, rech utaqim ya’ltzijol pa le uwachwuj ri’ pa qatinamit jeri’ pa nik’aj chik nimatinamit e k’o apanoq rech b’iw b’ixik utzijol ri ya’olchajinem winaqil pa Iximulew ri’.
Rumal ri’ paq’ij kamik, eri Mingob Radio, xopan pa jo’ob’ junab’ chik tajin che b’anoj ya’ltzijolinem rech ri Ministerio rech Gobernación xuquje’ utzijol taq ri uq’ab’ilal, kutzijoj ri chakunem tajin ub’anim rumal ri taqawokaj qatinamit xuquje’ rech pa le uwa’lijsab’al qano’jib’al rech ri qatinamit.
Jo’ob’ junab’chik q’axinaq tajin relik pa kaqiq’, ri radio pa uwachwuj ri’ rech ri Ministerio rech Gobernación, tajin k’ut kuterenb’ej ub’anik wari’ ruk’ uno’jchakunik xuquje’ chi paq’ij chi chaq’ab’.
Rech chinaq karaj kutaq ri MINGOB RADIO cha’ok b’a’ pa le link https://mingob.gob.gt/mingobradio/ wene’ pa le uwachwuj rech ri wokajilal ri’ ttps://mingob.gob.gt/ xuquje’ chatzukuj ri reta’l k’o pa le sección rech servicios pa línea ri’.
Ub’anikil
Eri radio ri’ k’o jun ub’anikil rech kukoj wi jalajoj uwach b’ix, q’axeb’al tzijol, ri k’otojtzij chi ke winaqilal xuquje’ k’o jun kuq’axe’j wi b’ix rech q’ojom.
Xuquje’ eri e ajtzijolinel chi upam ri’ e ajno’jchakunel ri je’l uta’ik kiqul xuquje’ qas kena’w che b’ixik tzij tzijol pa Iximulew xuquje’ pa uwachulew, xuquje’ ke’opan chi’ e ajtzijolinelab’ rech Comunicación Social jeri’ rajtzijolinelab’ ri uq’ab’il ri Taqawokajnem rech ri Ya’olchajinem pa Qatinamit rech kakiya ub’ixik utzijol pa uq’ijol ri’ xuquje’ ke’opan chi’ che rajtaqanel e ajchajil tinamit xuquje’ rech nik’aj chik taqawokajilal ri’.