Katajin uterne’xik ri chak pa taqawokajilal ri’ rech kab’an ri utz taq ri chomab’al pa tinamit xuquje’ ruk’ taq ri cholchak ya’om uchuq’ab’ kumal taq ri wokaj winaqilal kechoman pa tinamit.
Eri Ministerio rech Gobernación (MINGOB) xuquje’ ri Comisión Presidencial rech Ya’el Joremal xuquje’ ri rech Derechos Humanos (COPADEH) ri’ xkib’an jun riqonem ib’ rech nab’ejsan choman ri chak rech pa le uk’utunsaxik ri Consejo Coordinador rech ri K’amow B’e pa Tinamit rech ri Kachajixik ri Winaqil e Rajchak ri Derechos Humanos ri’.
Eri riqonem ib’ are uwach ri chakunik kab’anik ri k’o ub’anikil uwach pa le Choman K’amow B’e pa Tinamit rech ri Kechajixik ri Winaqil e Rajchak ri Derechos Humanos pa Iximuiew 2025-2035, ri taqim ya’ik uchuq’ab’ ri kachajxik ri ajtob’anel e rajchak ri rech derechos humanos ri’.
Xb’an ub’anik wari’ rumal ri ajno’jinel rech ri Mingob pa ub’anikil ri Derechos Humanos, Rafael Cruz xuquje’ ri k’amal b’e rech ri Copadeh, Elvyn Díaz ri’.
Pa le q’ijol ri’ xb’an ujachik uwach ri choman k’amow b’e taqanem pa tinamit xuquje’ xusiloxik uwach ri wujilal jacha ri k’o pa le taqanem tzij kumal ri Consejo Coordinador, ruk’ ri utaqixik utak’b’axik uwach ri wokajinem uwach xuquje’ ri uchak upatan ri’.
Xuquje’ xkib’an utzijob’exik chakum kumal taq ri taqawokajil ri’ xuquje’ xb’an uch’ob’ik uwach ri nuk’chomab’al xuquje’ ri chak kamajtaj b’i rech kawok uwach ri wokajil ri’, ri k’o pa reqale’n rech kab’anik kumal taq ri taqawokajilal xuquje’ ruk’ taq ri uq’ab’il rech ri kakojik rech kab’anik ri’, rech katerne’xik ri choman b’anow taqanem.
Eri riqonem ib’ ri’ are uchomam kub’an ub’ixik kacholajil ri ajchomal taq ri wokajilal xuquje’ ri e k’o pa ub’i’ taq ri wokajilal che ri kawokom uwach ri Consejo Coordinador ri’, rech ya’ik uchuq’ab’ ri kemonchak pa taqawokajil rech ri kanimaxik utaqixik ri cholajisam uwach pa le b’anow taqanem pa tinamit.