Ruk’ utaqixik ya’ik nim uchuq’ab’il ri kemon tob’anik xuquje’ ri uterne’xik ri kemonchak rech b’anoj chajinem ri’, eri ministro rech Gobernación Marco Antonio Villeda, xmolin pa chomanem ruk’ ri embajador John M. Barrett, ajq’atol tzij chomanel rech ri embajada rech Estados Unidos pa Iximulew.
Pa le riqon ib’ ri’ eri keb’ ajq’atol tzij ri’ sib’alaj xkib’ij chi k’o nim upatanib’al rech kakiterne’j ub’anik ri wokomchak ri’, rech kaq’atexik ri k’ayowem kutzil kuya rib’ pa le b’anoj chajinem rech ri keb’ amaq’ib’ nimatinamit. Xuquje’, xkib’ij che ri kichakunik ri’ are rech b’anik ri taqanem pa tinamit xuquje’ rech pa amaq’el kakib’an utzijob’exik chi kiwach chi rij taq ri utz chak kakib’ano.
Eri chomanem k’amq’ab’ are uwach ri kemonchak tob’anem chi kiwach ri keb’ amaq’ib’ nimatinamit ri’, rech kaya uchuq’ab’il ri b’anoj chajinem xuquje’ rech katerne’x utob’ik uwach ri b’anoj chak pa le rajawaxik wiri’, rech pa amaq’el kechomanij, rech k’o kemon chomanem rech chuwe’q kab’ij pa kemonchak xuquje’ ri utzijob’elil rech kaq’atexik ri b’anoj k’ax jacha kab’an pa taq amaqib’ nimatinamit apanoq.
Eri Ministerio rech Gobernación sib’alaj xub’ij che are upatan ri’ rech kuya uchuq’ab’ ub’anik ri kemonchak tob’anik xuqje’ rech kab’an ri utzilaj chajinem winaqilal e’aj iximulew ri’.