Eri Subdirección General rech Estudios xuquje’ Doctrina (SGED) rech ri Wokaj Ajchajinelab’ (PNC), are k’amol ub’e ri b’anoj tijonem chi ke ri wokaj e ajchajinelab’ri’, xcha’ ri Ronal Revolorio, oficial primero xuquje’ Taqanel pa le Departamento Educativo y Doctrina ri’.
Eri Revolorio xub’ij che k’o ri’ jun b’anob’al tijonem, jun b’ano katijoxik e ajchajin tinamit, ri uk’amom uwach ri tijob’enik ri’; xuquje’ rech katijon chi ke ri kaq’an keqale’n, rech kakiterenb’ej kakitijoj kib’, ri kuya’ uchuq’ab’ keta’mab’al xuquje’ rech kaya’taj kiwujil ri’.
“Eri b’anob’al tijoem ri’ are la’ kunimaj b’anoj uwach ri nimatijob’al rech ya’tal kiwujil xuqje’ rech kaq’an keqale’nib’al xuquje’ rech kuya’ chi ke ri e ajchajinelab’ rech kakik’uttijoj kib’ rech ke’opan pa le nimatijob’al ri’”, xcha’ ri q’atb’al tzij ajchajil tinamit.
Eri b’anoj nimatijob’al chi ke e ajchajin tinamit rech la’ kunimaj uwach ri Nuk’chomab’al rech Joremal xuquje’ rumal k’ut kopan pa le juk’al jo’ob’ ujunab’ ri PNC, rech are jun na’tib’al ri b’anoj tijonem pa ucholchak ri ministro rech Gobernación, David Napoleón Barrientos ri’ xuquje’ ri e taqanel rech ri wokaj ajchajinelab’ ri’.
Xub’ij chik che konojel ri wokajil ri’ e q’axinaq pa le Escuela rech Especialidades rech ri Wokaj Ajchajin Tinamit (PNC) (Eepol) xuquje’ we kamik are tajin uchomaxik rech b’anoj tijonem chi ke ajtijonel e ajchajinelab’, rech kek’oji e rajtijoxel pa le nimatijob’al ri’.
Ri tijonem
Eri tijonem ri’ are la’ kumaj b’i oxib’ ik’ xuquje’ jun junab’ ri’, jacha’ ri ropanb’alil ri uwach tijonem, xcha’ ri Revolorio. Eri eqa’lenel ketijox chi rij medicina táctica, rech tenología rech ri tzijob’elil; jeri’ diplomados rech lofoscopia, rech q’atenik pa rulewal tinamit, rech rilik kuwach ri ajb’anol k’ax, rech retaxik saqkitzij xuquje’ rech kakilo ri kik’ulmaj kaminaq ri’.