Eri q’atb’al Tzij rech ri Minsiterio rech Gobernación (Mingob) kuk’ rajq’atb’al Tzij rech ri Dirección General rech Servicios rech Seguridad Privada (DIGESSP) ri’ pa 5 rech septiembre ri’ xek’oji pa le majib’al upatan ri Centro rech Contacto 1578 xb’an pa le Salón Mayor rech Planta Central rech ri taqawokajnem ri’.

Pa le k’ak’ ch’aweb’al xk’ut ri’ rech ri Centro rech Contacto 1578, are la’ kupatanij rech kuk’am utzijol b’ixik loq pa awalik pa kaq’ab’ ri reqa’lenel ri seguridad privada ri’ chi rij taq e ajb’anol k’ax.

Eri nimatat a William Hernández, K’amal B’e rech ri DIGESSP, kub’ij, eri cholchak ri’ xmajtaj chi loq jun junab’ ruk’ kajib’ ik’, ri xkojik rech kuq’atij ri wokom e kamisanel ri’ pa le ch’aweb’al rech ub’ixik loq, man tojom taj.

Eri Centro rech Contacot 1578 k’o jun uwach pa kemaltz’ib’ pa kaqiq’ rech are kakikoj ri ajchajinelab’ rech wexa’ k’o ri kakib’ij loq pa awalik xuquje’ rech kaq’axexik ub’ixik pa le PNC xuquje’ rech pa aninaqil kamajtaj utzukuxik kumal ajchajil tinamit.

Eri cholchak ri’ are la’ katob’anik rech kuya uchuq’ab’ kaq’atexik ri nik’aj molaj b’anol k’ax pa tinamit, pa le ch’aweb’al ub’ixik loq kumal ri reqa’lenel ri seguridad privada ri’ pa komonchak kukk’ ri DIGESSP xuquje’ ruk’ ri Wokajil Ajchajil Tinamit (PNC).

“Are wa’ jun q’ij nim upatanib’al ri’ rech ri b’anoj chajiem pa tinamit xuquje’ eri jun cholchak ri’ are kub’an utz che ri chajinem winaqila ri’.
Rumal ri’ pa amaq’el kuriqitaj che uk’ulik panoq ri tzijolil kumal ri winaqil rech ub’anik utz che ri chajinem pa tinamit”, xcha’ ri Ministro rech Gobernación, David Napoleón Barrientos.

Pa le xub’ij ri Taqawokajnel rech ri Ya’olchajinem pa Amaq’, tajin jun uretaxik ub’anik ri uchakunik ri Centro rech Contacgto 1578 xuquje’ pa le ch’awenik ub’ixik loq, rumal jun reqa’lenel ri Call Center ri’ xuta loq utzijol rech umajik ub’ixik loq jun b’iw ximontzij ri’.

Ri k’ax qas xb’an ri’

Eri q’atb’al Tzij xkib’ij, eri reqa’lenel chajinem ya’tal ri’ rech kakib’ij loq jawchi’ kek’ayix wi k’aqb’alil  pa awalik, ri kab’an wi toq’inik pwaq, ri k’o wi q’axeb’al awan kunab’al, ri kab’an wi k’ax pa kachoch winaq, ri kak’ayix wi tzam xuquje’ awan kunab’al chi ke winaq pa tinamit, ri kab’an wi b’anoj taq kamisanik, ri kab’an wi elaq’, ruk’ nik’aj chik b’anoj k’ax.