Are uwach ri’ ri tob’anem pa wokajilal, we kimik pa le nimaja rech ri Ministerio rech Gobernación, xjuch’ wi ri wujilal rech ri nuk’chomab’al ruk’ ri Superintendencia rech Administración Tributaria (SAT), are la’ rech kab’an ri tob’anem chak kumal ri keb’ wokajilal rech kaq’atexik ri maj nimanik q’atoj tojonem chi rij k’ayin jastaq xuquje’ rech uq’atexik ri k’ayin awan jastaq ruk’ nik’aj chik b’anoj elaq’nik.
Eri Ajk’amal B’e Taqon Chajinem pa Amaq’, Francisco Jiménez, sib’alaj xub’ij chi k’o nim upatanib’al ri chak tajin ruk’ ri SAT, rumal k’ut eri maj nimanem q’atoj tojonik chi rij k’ay jastaq are ri’ qas kak’ulmataj ri’, eri komon chomanem chi rij ri’ are Kuban ri’ rech kaq’atatajik pa tinamit, pa le uq’atexik ri q’axenik loq awan jastaq kak’ayixik, ri are kuya jun k’axk’onem pa tinamit xuquje’ ri kub’an k’ax che ri k’ayinem che ri kak’aslemal ri winaqil e aj iximulew.
Eri Taqawokajnel rech Ya’olchainem pa Amaq’ ri’, xuquje’ xub’ij che ri wokom k’amal b’e tinamit ri’ are utaqim ri b’anoj chajinem pa rulewal tinamit, xuquje’ eri b’anowem ri’ are la’ kuya uchuq’ab’ ri b’anoj komonchak kumal ri keb’ e taqawokajil ri’.
Rumal ri’ eri Superintendente, Werner Ovalle Ramírez, xub’ij chewe “komon tob’anem pa taqawokajil ri’ are rajawaxik kab’an pa aninaqil pa le jun tinamit che ri karaj kuwa’lisaj rib’, rumal are ri’ jun komonchak pa junamamil. Are wa’ man xaqt jun wujilal ri’, xane’ are ri chak ri kuya uchuq’ab’ ri kub’al k’u’x kuk’ ri winaqilal. Eri jun b’anoj juch’unem nuk’chomab’al ri’ are la’ majib’al rech ri chajinem rech pa saqilal xuquje’ rech ri jun utz wa’lisanem pa tinamit.”