Eri Ministro rech Gobernación Francisco Jiménez, xk’oji pa nimaq’ij rech ri Te Deum pa le Catedral Metropolitana xuquje’ pa raq’ansaxik ri retal ratz’iyaa Amaq’ chi uwach ri Nima Rachoch ri Uk’u’x Nimatinamit chi la’ che ri caballeros cadetes rech ri Escuela Politécnica izaron ri retal ratz’iyaqb’al ri qatinamit, ruk’ kiq’axik ri juk’al jun (21) salvas rech artillería, ri xib’ixox wi ri ub’ix qatinamit xuquje’ ri b’ix rech Centroamérica. Are chi’ xsik’ix ri Wujilala rech Utukele’m rib’, rech pa le una’texik ri 204 ujunab’ xutz’aqatisaj ri’.
Are uwach ri xb’an pa le ilob’anem pa tinamit, pa le Catedral Metropolitana xb’an wi ri k’amansam tzij rech ri Te Deum. Pa ke mixa, ri xkimol wi kib’ ri q’atb’al tzij rech ri K’amal B’e Tinamit, xk’oji ri’ ri nim K’amal B’e Amaq’ Bernardo Arévalo xuquje’ ri Ukab’ K’amall B’e Amaq’ Karin Herrera, ri q’atb’al tzij rech ri wokom k’amal b’e tinamit, ri Gobernador rech Iximulew, ri reqa’lenel ri ajchajin tinamit, xuquje ri e’ajch’ab’al pa tyox, ri xkimol kib’ rech xkib’an ri nim ch’ab’al rech xkita ri joremal chi kaj, ri suk’umalil, ri kub’al k’u’x xuquje’ ri utzilem pa tinamit.
Eri rajpatanelab’ ri Wokom K’amal B’e Amaq’, are chi’ xumaltyoxij chi xtz’aqat 204 ujunab’ ri qatinamit utuke’lem rib’, xe’al b’i pa le Catedral xeb’e che kaqan k’a pa le Nim Rachoch Uk’u’x Nimatinamit, are chi’ e b’enaq xkich’ab’ej kanoq ri winaqilal e’aj iximulew e apan pa le Parque Central ri’.
Te k’u ri’ xe’opan chi uwach ri Nim Rachoch Amaq’, rech xe’opan chik pa le runimal xb’an wi ri unimaq’ij rech utuke’lemr rib’ ri qatinamit.
Eri nim k’amal b’e amaq’ Bernardo Arévalo, ruk’ ri Wokom K’amal B’e Amaq’, k’a pa le uk’ayib’alil ri Nim Rachoch Uk’u’x Nimatinamit, pa le utzijob’el xub’an pa le utuke’lemal, xub’ij: “Eri e loq’ winaqilal tinamit Iximulew, ub’im xuquje’ kub’ij pa jumul chik chewe amaq’ ri’ are qech uj, eri utuke’lemal ri’ are qech uj, qatukel pa ri taqanik ri’, are b’a’ ri echab’em taqanik ri kukub’isaj uwach ri qak’olemal xuquje’ ri joremal pa chuwe’q kab’ij”.
Xuquje’ eri nima tat Arévalo, sib’alaj xub’ij “Qachik’aj b’a’ chewe q’ij k’o kimik xuquje’ ri chuwe’q kab’ij ri kaqaj uj kujk’oji wi, pa junamil iwuk’ ix, ruk’ ri tinamit, ri k’amal b’e tinamit, ri ukab’ k’amal b’e tinamit xuquje’ ruk’ konojel ri puq e’ajpatanel che ri junam kuichakun kuk’ kimik xuquje’ chaq’ab’ ri’ rech b’a’ eri Iximulew ri’ kakanaj chech jun nimaja ri kuya wi ri k’olem pa utuke’lemal, pa junamamil xuquje’ ri suk’umalil”. Xcha’.
Rech xk’is ri b’anoj nimaq’ij ri’, xk’oji jun mapping xuquje’ ri b’anowem rech ri winaqilal che ri xek’oji Chi Uwach Uk’u’x Nimatinamit. Pa ri b’anowem ri’ xek’oji wi ri reqa’lenelab’ ri Wokajil Ajchajil Tinamit (PNC) ruk’ jun nimalaj pa kawokajil ri jalajoj puq chajinem tzukunik ri kechajinik chi rija pan ri’ rech uq’atexik ri b’anoj k’ax xuquje rech xkub’isax ub’anik ri b’anowem ri’.