“Eri Iximulew rajawaxik k’o uchuq’ab’ uchak, rajawaxik k’o uchokonsab’al xuquje’ rajawaxik kukoj uchuq’ab’ rech kakowonik kuq’atej ri nuk’molaj e’ajb’anol ri k’ax. Rumal k’u ri’, k’a xmajtaj ri uchak taqanik ri’ xukoj uchuq’ab’ rech ya’ik kachakub’alil ri Wokajil Ajchajin Tinamit (PNC)”, xcha’ ri Ministro rech Gobernación, Francisco Jiménez, pa jun nim tzijolinem q’axeb’al tzij pa tinamit, chi rij uloq’ik ri k’aqb’alil q’aq’ ri kakikoj pa ri chajinem winaqilal ri’.
Pa le utzijob’el ri’, eri Ministro Jiménez xuya utzijol chi rij taq uloq’ik ri 10 mil chi k’aqb’alil q’aq’ rech kakoj kumal ri wokajil ajchajin tinamit. Xuya utzijol ri’, eri uloq’ik ri’ are k’o ucholajil b’ixik jacha ri xchomax pa le junab’ 2015, ri xuq’at uloq’ik, che ri 80% rech ri chakub’al kojom rumal ri PNC rajawaxik are b’a rech ri marca Beretta, calibre 9 milímetros. “Eri ujunamisab’al uwach ub’anik ri’ are kub’ij rech kakoj kumal ri e’ajchajinel pa tinamit, rech k’ak’ kakikojo, rech keta’m kek’aqan chi rij, rech kakinojisaj, kakisuk’umaj ri’. Eri jun kojob’al ub’aq’ ri k’aqb’al ri’ are rech k’i uwach k’aqb’al kachokon wi, rech k’o b’a’ ri uchokonsab’al kakojik, ri junam uwach ri tijonik kab’an chi rij ri’”, xcha’.
Eri Taqawokajnel rech Chajinem pa Amaq’, xkub’isaj ub’ixik ri’ che ri utaqik uloq’ik xya ub’ixik uwach ri’ are junam ruk’ taq ri taqom ub’anik pa tinamit ri’, man rech tane’ xaq xu’ ri jun ajloq’oj k’o tane’ nim pwaq kuch’ak chi rij ri’. Xuya uucholajil ub’ixik che ri wokajil xcha’ik xunimaj k’ut ri toq’am uwach ri’ jacha ri xtaq uloq’ik, man je tari’ xkib’an ri nik’aj e’ajloq’oj, man xkijach ri wujilal toq’im ri’.
Eri xub’ij chi rij wari’ rumal le Contraloría General rech Cuentas (CGC), eri Ministro Jiménez aib’alaj xub’ij che utz ri ch’ob’oj xb’an chi rij ri uloq’ik kab’an ri’, xuquje’ are uchak ri’ kub’an ruk’ ri Amaq’ Iximulew. Xuquje’ sib’alaj xub’ij che kab’an jun usolixik uch’ob’ik uwach ri loq’oj ri’ kab’anik, rech utz kasuk’umaxik uwach uloq’ik on wene’ rech kaq’al uloq’ik ri jastaq chakub’al ri’.