Pa le uq’ijol ri b’anon patanem pa taqawokajilal kuk’ ri wokajil rech taq tinamit naj, rumal ri’ eri Ministro rech Gobernación, Marco Antonio Villeda, xmolin pa jun riqon ib’ rech chakunem ruk’ ri Embajadora rech ri Unión Europea pa Iximulew, Johanna Karanko, ri are kutzukuj ya’ik uchuq’ab’ ri b’anoj kemonchak pa le kaq’atexik ri molaj b’anol kpax xuquje’ rech ya’ik uchuq’ab’ ri ya’olchajinem pa taq ri amaq’ib’ nimatinamit ri’.

Pa riqon ib’, eri Ministro Villeda rachi’l ri  Viceministro rech Seguridad, Estuardo Roberto Solórzano ri’; ri Viceministro recj Antinarcóticos, Víctor Hugo Cruz ri’, xuquje’ ri K’amal B’e rech ri Wokajil Japache’, Jorge López ri’. Rumal ri’ eri Delegación rech ri Unión Europea pa Iximulew, xuquje’ xk’oji ri magistrado italiano Sebastiano Ardita ri’ xuquje’ rajtaqanel ri cooperación rech ri Unión Europea pa Iximulew, María González ri’.  Xuquje’ xek’oji ri patanelab’ xuquje’ ri ajeqa’lenelab’ rech ri ya’olchajinem ri’ rech ri keb’ taq wokajilal ri’.

Pa le riqonem ri’ xutzijoxik ri chak b’anom xuquje’ ri choman taqanik pa tinamit ri k’o uwach ruk’ ri PAcCTO (Europa Latinoamérica Programa rech Asistencia Uq’atexik ri Crimen Transnacional Organizado), jun chob’otal chak rumal ri Unión Europea ri are utaqim ya’ik uchuq’ab’ ri tob’anem chi kuwach taq ri wokajilal rech q’atoj tzij, rech ya’olchajinem xuquje’ rech b’anon taqanik pa taq japache’ tz’apib’al rech América Latina ruk’ Europea ri’. Eri cholchak ri’ are kutoq’ij ri b’anoj taq chakunem ri’, ri nimab’al uwach ri ya’tal chi ke winaqilal xuquje’ ya’ik uchuq’ab’ ri b’anoj chak pa rulewal taq amaq’ib’ nimatinamit rech ri uq’atexik ri k’ax, ri taqanem pa japache’ tz’apib’al  xuquje’ rech uq’atexik ri narcotráfico xuquje’ ri molaj b’anol k’ax.

Eri Ministerio rech Gobernación sib’alaj xub’ij che reqale’n uchak ruk’ le cooperación internacional xuquje’ ruk’ utoq’axik ri b’anon taqanem pa amaq’ tinamit rech kukub’isaj ri ya’olchajinem winaqilal xuquje’ rech ya’ik uchuq’ab’ ri Amaq’ rech pa ya’tal chi ke ri winaqilal pa Iximulew.