Pa jueves ri’, eri Ministro de Gobernación, Marco Antonio Villeda, xk’oji pa jun riqon ib’ ruk’ ri Diego Paz Bustamante, ajchomanel rech ri Organización rech Estados Americanos (OEA) pa Iximulew, rech taqim ya’ik uchuq’ab’ rei tob’anik rumal ri organismo hemisférico ruk’ ri Wokom K’amal B’e Amaq’ rech Iximulew pa le ya’olchajinem winaqil pa tinamit.

Pa le riqon ib’ ri’ eri keb’ kuwach q’atb’al tzij sib’alaj xkiya utzijol chi k’o nim upatanib’al ri b’anoj kemonchak ri’, xkitzijob’ej uwach taq ri cholchak kab’anik, ri pa ucholajil taqanem pa tinamit xuquje’ ri ya’olchajinem rech pa saqilal ri patan pa taqawokajil, sib’alaj xkib’ij chi k’o nim upatanib’al kapatanexik ri cholchak pa junamamil ri’ rech uq’atexik taq ri b’anoj k’ax ri’.

Eri b’anoj chomanem ri’ are kujaq uwach ri jun k’amoj ib’ tzij xuquje’ ro tob’anem pa amaq’el ruk’ ri Organismo Internacional, ri sib’alaj kumaj nim tijowchuq’ab’ chakunik rech ub’anik ri utzilaj ya’olchajinem xuquje’ rech katerne’x b’anik ri tob’anem rech ri b’anoj patan ri’, rech ya’tal ri nuk’chomab’al ri’ xuquje’ rech pa kemonchak kab’an ri ya’olchajinem pa chuwe’q kab’ij rech b’anik utzilal chi ke pa rulewal amaq’ tinamit.

Eri Ministerio rech Gobernación, xkub’isaj ub’ixik che kub’an uk’amik ri eqale’n chak rech ya’ik uchuq’ab’ ri ya’olchajinem xuquje’ ri utzilem chi ke ri winaqilal e’aj iximulew ri’.