Eri Ministro rech Gobernación, Francisco Jiménez, xuya utzijol iwir pa jun k’ottzijolinem pa jun q’axeb’al ilowach tzij, ri sib’alaj xub’ij wi che tajin nim kaq’atexik ri toq’inik pwaq, ri ub’antajil ri Sistema Penitenciario, ri narcotráfico xuquje’ chi ri jun q’atoj tzij chomab’al tinamit pa taq le q’ij petinaq pa le Congreso rech ri Amaq’il.

Eri Jiménez sib’alaj xub’ij ri upatan ri b’iw b’ixik loq kumal ri winaqilal xuquje’ ri tzukno’jchak b’anom kumal reqa’lenel uwokajilal ri Wokaj Ajchajil Tinamit (PNC), maltyox che ri b’iw b’ixik kumal winaqilal, rumal ri’ xb’antaj kowonem xeq’atexik ri k’i molaj b’anol k’ax, ri qas are q’atim are ri toq’inik pwaq ri opaninaq chik pa 1 mil chi winaqilal ri’.

Xuquje’ xub’ij che ri tzukunem b’anom ub’anom kaq’atexik ri molaj b’anol k’ax rumal ri’ xya ri tzijol chi rij taq ri tzukum uwach upetib’al ri pwaq, ri ch’aweb’alil xuquje’ ri k’aqb’alil riqom.

Pa utzijolil ri narcotráfico, eri Ministro rech Gobernación xub’ij che ri riqom are kok’ow uwi pa 10 mil upajb’alil cocaína, eri rajil ri cocaína ruk’ ri awan kunab’al riqom kopan pa Q1 mil 525 millones.

Eri taqawokajnel rech ri Ya’olchajinem pa Amaq’ xuquje’ xub’ij che pa jun wuqq’ij ri’ kak’otox kitzij ri taqawokajnelab’ pa le Congreso rech ri Amaq’. Are la’ rech kab’an pa usaqilal ub’ixik ri taqawokajnem, xcha’.

“Eri uj kojb’e che ujachik ub’iik ri chak kaqab’om xuquje’ rech k’o ri kaqaya ub’ixik chi ke ri winaqilal”, xcha’ ri Jiménez.