Pa le tzijolinem eri Ministro rech Gobernación, Francisco Jiménez, ruk’ ri k’amal b’e rech ri Wokajil Ajchajil Tinamit (PNC), David Custodio Boteo, xuya ub’ixik che ri riqb’al ib’ xk’oji wi kimik kuk’ ri ajtaqaninelab’ rech ri bancada TODOS are xib’alaj utz ri xchomaxik, rumal k’ut xkitzijoj ri ch’ob’on chak kab’anik rech b’anoj utzilem chi kech ri winaqilal.

Eri xchomax rumal ri Taqawokajnel rech ri Ya’olchajinem pa Amaq’ are xchomaxik keyakik oxib’ rachoch japache’ tz’apib’al rech kajamik kukwach ri e tz’apilik; xuquje’ xub’ij rajwaxik ke’ilik jorpa’ na karaj katoj taj kimak chi kijujunabl ri e tz’apilik.

Xuquje’ xkichomaj rech man k´ot chik uwi eqele’n we k’o itzelal kariqitaj ri’. Jeri’ sib’alaj xub’ij che ri Quinto Viceministerio ri’ are ajtaqonel ri chajinem pa taq ri fronteras, rumal ri’ kaya kichiq’ab’ ri ajchajil tinamit kuk’ ri wokaj e ajchajil amaq’il Iximulew. Rumal ri’ paq’ij kimik xb’an jun nim sipanem rumal ri K’amal B’e Amaq’ rech Estados Unidos, rech xya loq 19 chi ch’ich’ ri’ chi rech ri Subdirección General rech Información Antinarcótica (SGAIA) xuquje’ chi rech ri Ministerio rech Gobernación (Unagob) ri’.

Pa le riqb’al ib’ ri’ eri diputados xkita’o tob’anik chi rij uyakik rachoch q’alanem tzij, rech keq’al ri winaqil che ri kakib’an ri k’ax ri man rajwaxik kek’am b’i pa japache’. Xuquje’ xkita utzijol che pa aninaqil b’a kaya utzijob’elil pa tinamit winaqil ri kachakutaj ri’.

Xuquje’ eri ajtaqo’ninelab’ xkib’ij che ri taqawokajnel Ya’olchajinem pa Amaq’ rech kukoj cholchakunem rech keq’alik ri winaqil xuquje’ rech kek’ex ri rajchak ri Sistema Penitenciario (SP) rech Xe’laju’, rumal k’ut ri xya’taj ub’ixik utziol, che e are kakimino pa ch’ijom k’ax chak ri ixoqib’ e tz’apilik.