Pa jun ropanik ri Ministro rech Gobernación, Gendri Reyes xopan che usolixik le kichak ri ajchajinelab’ rech ri Comisaría rech Izabal, chi’ k’u ri’ aretaq xk’is ri solinem rumal ri’ xumaltyoxij le kichak kib’an ri ajchajil tinamit chi’, pa le upatanixik ri “Cholchak Recuperación xuquje’ Control”, che ri xb’antaj pa tinamit ri’.

Aretaq xopan chi la’ k’ut rachb’il b’i rumal ri Subdirector General rech Ajchak Eqa’lenel ri’, Elías Rodríguez Vásquez xuquje’ rumal ri taqanel rech ri comisaría 61 comisario Miguel Antonio Palma ri’.

Eri chak b’anom kumal ri e ajchajinealb’ chi’ pa le wuqq’ij kanoq pa taq le tzukunem ya’olchajinik qas k’o nim xq’atataj chi rech ri b’anoj k’ax ri’, k’o 211 chi tzukunem xb’antaj ri’ chi’ k’u ri’ xk’am wi utzijol che e k’o k’i molaj e ajb’anol k’ax e ajk’ayin awan kunb’alil maj pa usaqil, elaq’omab’, e kamisanelab’ xeq’atataj chi’.

Chi’ k’ut k’o tzukunem xb’antajik xuquje’ ek’o e 25 ch winaqil ri jalajoj kimak xechapataj loq, e k’o kajib’ ak’alab’ xechap b’i pa q’atb’al tzij, ruk’ 55 chi k’aqb’alil jalajoj ukojb’alil ri’, ruk’ 114 ub’aq’ k’aqb’alil, ruk’ Q.102,100.00 chi pwaqil xriqitaj ri’, jun ch’ich’ xuquje’ ruk’ oxib’ chi kejch’ich’, 38 chi ch’a’wib’alil rech eqam xeriqitajik xuquje’ ruk’ 39 chi ch’ich’ kakib’iq pwaq ri’.

Pa le jajaloj tzukunem xb’antaj kech kaqan, k’o k’olib’al tzukunem chajinik xb’antaj ri’ rumal ri’ Departamento rech K’utb’e, e k’o 547 chi ch’ich’, 639 chi kejch’ich’, 580 kuwuj ch’ich’ xsolixik, 766 kiwuj winaqil xsolixik xuquje’ k’o 1 mil 639 nik’aj wujil xsolix ri’.

Rumal ri’ xya’taj apon ri’ rajilab’al le 110, le 1561 xuquje’ le 1574 chi ke ri winaqil rech wexa’ k’o kakib’ij pa awalik chi’.