Eri Museo Sala Histórica rech ri Wokajil Ajchajil Tinamit (PNC) xjaq uwach pa k’isb’al wuqq’ij ri’ pa tinamit rech na’tib’al uq’ij ri Día Internacional de los Museos, pa le uwachtzijonem ub’i’ “Museos por la Educación y la Investigación”. Pa nimaja k’olib’al, ri k’o pa le Dirección General rech ri PNC, zona 1 rech nimatinamti, kariqitaj wi jun cholajib’al uwach taq jastaq ri kuq’alajisaj ri uk’aslemalil taq ri wokajil ajchajil tinamit ok’owinaq wi loq pa le utzijil upetem k’olem.
Eri winaqil ke’opan chi’ ya’tal chi ke kakilo kek’oji kuk’ taq ri jastaq chakub’al kojom kumal ri unidades rech ri PNC, ri kakojom uk’olib’al tzijob’elil ri’ rech kakiya utzijol ub’ixik chi ke ri winaqil pa tinamit chi rij upatanib’al ri chak kakib’an rech b’anoj kub’al k’u’x ri chajinem pa rulewal qatinamit.
Eri Viceministro rech Tecnología rech ri Información xuquje’ Comunicaciones ri’, William Cameros, are xuk’am ub’e ub’anik ri okemtzij rech jaqib’al uwach ri’, rachb’ilam ri Subdirector General rech Estudios xuquje’ Doctrina ri’, Abel Juárez, xuquje’ ri Subdirector General rech Prevención rech ri Delito ri’, Pablo Rodríguez, xuquje’ ri Directora rech we nimaja ri’, Elizabeth Morales.
Eri q’atb’al tzij xkiya ub’ixik ucholaj ri’ che pa le k’isb’al wuqq’ij ri’ are wa’ xkijach chi kwuach ri winaqib’ rech ya’talik ke’opan b’a’ che solinik chi’ pa le Museo rech ri PNC, ri kajaq pa waqxaqib’ rech aq’ab’il pa kajib’ or rech b’enib’al q’ij, xuquje’ rech kek’oji pa jalajoj taq b’anonem rech q’alanik b’anom rech raq’ansaxik uwach ri kub’alil chi kuwach ri wokaj ajchajil tinamit xuquje’ ri winaqilal, jeri’ rech toq’inik b’iw b’ixik tzijol loq kumal ri winaqil.