Pa taq le tzukunem xb’antaj pa 25 rech agosto ri’ eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa uto’ik ri Ministerio Público (MP) ri’ e k’o nik’aj b’anol k’ax e ajk’ayin awan kunab’al kib’i’ “Los Atracadores de Occidente” xechapataj kumal ri’.
Xmajtaj kaq’alajisaxik pa tzukunem xb’an chi rij jun molaj b’anol k’ax ri’ che e are e ajk’ayin taq awan kunab’al ri’, xuquje’ e are k’o k’i taq b’anoj k’ax kamisanik kib’anom. Chi la’ pa le Taq’ajil Juyub’ xuquje’ pa Occidentes rech ri rulewal tinamit.
Eri tzukunem are xb’an pa le zona 2 xuquje’ pa le 5 ri’ rech ri nimatinamit Xe’laju’, pa le uq’ab’ rulewal tinamit rech Olintepeque rech pa nimaitnamit ri’ xuquje’ pa rulewal tinamit rech Retalhuleu, chi la’ k’ut xchap wi loq jun achi ub’i’ Amadeo César Cojulum Pac, 70 ujunab’, a Moíses Jacob González Ichel, alias “Diño”, 23 ujunab’ xuquje’ a Manuel Elías Solís Cifuentes, alias “Meme”, 40 ujunab’, ri k’o awan kunab’al xriqitaj ruk’ reqam are chi’ xchapik.
Chi la’ k’ut pa taq le k’olib’alil ri’ xriqitaj wi jun k’aqb’al, keb’ tolvas, 11ub’aq’ k’aqb’alil, 129 k’olib’al uware rilik rech cocaína, 160 chi k’olib’al xuquje’ job’ chi k’olib’al rech chiyim ruk’ cocaína, 128 k’olib’al tolon upam, ub’i’ colmillos, jun k’olib’al rech b’ut’ xuquje’ 6 pisob’al rech wuj ruk’ marihuana xuquje’ Q2 mil 970.60 chi pwaqil ri’.
Xuquje’ xriqitajik 8 chi ch’aweb’al, ruk’ k’i taq wujil rech xmin pwaq pa ja k’olme’r xuquje’ job’ tarjetas SIM rech ch’aweb’al rech eqam.
Utzijilal
Qajib’al q’ij ri’ 24 rech agosto ri’ eri reqa’lene ri DEIC xkib’an k’i taq tzukunem pa Izabal, pa Xe’laju’ xuquje’ pa Suchitepéquez ri’, are ri’ chi rij ri tajin utzukuxik paq’ij kamik, rumal ri’ xb’antaj kowonem xriqitaj jun k’aqb’al, jun chik k’aqb’al, 8 chi ch’aweb’al, keb’ kich’ich’ winaq xuquje’ keb’ kijejach’ich’ winaq, 34 k’olib’al uware rilik rech cocaína, jun k’olib’al rech chiyim ruk’ marihuana, 15 ub’aq’ k’aqb’alil xuquje’ ruk’ Q6 mil 10 chi pwaqil.