Eri Amaq’ Iximulew, El Salvador xuquje’ Honduras ri’ xkiya uchuq’ab’ ri nim tob’anem pa komonchak ri’ rech kakub’isax ri kachajixik ri winaqilal. Ruk’ wa’, are kaq’atexik ri b’anoj k’ax ri awan jastaq rech maj b’anoj k’ax pa tinamit.
Kamik xb’an jun chik nim b’anoj ujuch’ik uwach ri nim chomab’alil kumal ri Ministerios rech Gobernación (Mingob) xuquje’ rech Justicia xuquje’ Seguridad Pública rech El Salvador, xuquje rumal ri Secretaría rech Estado pa le Despacho rech Seguridad rech ri Amaq’ Nimatinamit rech Honduras, rech kutzijolib’ej ri información biométrica ri’ pa le k’olib’al taq ri tzijolil rech ri Sistema Automatizado rech Identificación Biométrica ri’ rech pa jujun taq tinamit e k’o chi’, rech pa aninaqil kab’an le rilik junamsab’al uwi’uq’ab’ winaq, rech kach’ob’otaj kitzijol taq ri winaqil we k’o kimak, we taqom kchapik rumal q’atb’al tzij.
Eri Ministro rech Gobernación rech Iximulew, Francisco Jiménez, sib’alaj xub’ij che ri nim chomab’al ri’ are kuq’alajisaj uwach ri eqele’nchak pa komon kumal taq ri amaq’ib’ e nimatinamit rech uq’atexik ri ‘ax ruk’ nim chuq’ab’, pa komonchak, pa junamil ri b’anoj chajinem rech kaq’atexik ri e ajb’anol k’ax pa rulewalil taq nimatinamit. “Eri utaqixik ri b’anoj chak ri’ are rech kacholajisax ub’anik ri chajinem q’atenik kumal ri oxib’ taq nimatiinamit rech kab’an le rilik rech kata’ik uwach taq ri tzijolil ub’i’ información biométrica. Eri b’anoj komonchak ri’ ar kub’an ya’ik utzijob¿’exik ri tzijol xuquje’ ri ch’ob’on kuwach ri winaqil ri k’o kimaj ub’i’ antecedentes policiales ri’”, xcha’.
Rumal ri’, eri Taqanel rech Justicia xuquje’ Seguridad Pública rech El Salvador, Gustavo Villatoro Funes, xub’ij chewe cholchakunem ri’ are la’ kuq’alajisaj uwach ri kichak tajin kakib’an ri q’atb’al tzij ri kakitij k’axk’ob’enik pa le b’anoj chajinem ri’ xuquje’ sib’alaj xub’an ub’ixik ri nim upatanib’al rech pa amaq’el kek’oji che ri q’atenik ri k’ax. Xuquje’ xub’ij, eri komon ib’ kumal ri molaj e ajb’anol k’ax ri’ are kutaq’ij ri jujun taq Amaq’ib’ e Nimatinamit rech kak’oji k’ak’ kchakub’alil rech kaq’atexik ri molaj taq b’anol k’ax pa taq ri nimatinamit. “Eri e ajb’anol k’ax ri’, man kakinimaj taq kik’ulb’a’t taq nimatinamit, ri kakib’an ri k’ax pa taq ri nimatinamit”, xcha’ ri Ministro Villatoro Funes.
Eri Secretario rech Estado rech ri Despacho rech Seguridad rech Honduras, Héctor Sánchez Velásquez, ri are xub’ij eri b’anoj k’ax xuquje’ ri b’anoj kamisanik pa le rulewalil centroamericana ri’ are rajwaxik b’a’ kab’an uch’ob’ik pa juntir xuquje’ xub’ij k’o nim kupatanij ri b’anoj taq chomanem ri’ rumal are la’ katob’an pa le ya’ik uchuq’ab’ ri komonchak tob’anik kumal ri oxib’ nimatinamit ri’. “Sib’alaj utz b’a’ kaqana’o xb’an ri nim chomab’al ri’, rumal k’ut are kutun ub’anik ri nim komonchak kumal ri nimatinamit ri’, rech kaq’atexik b’a’ ri molaj b’anol k’ax pa rulewal taq nimatinamit”, xcha’.
Pa le juch’un uwach ri nim chomanem ri’ xek’oji ri’ le Viceministros rech Seguridad, Claudia Palencia xuquje’ ri rech Antinarcóticos, Werner Ovalle; ri Embajador rech Estados Unidos rech América, Tobin Bradley; ri e ajk’amal b’e rech ri Wokajil Chajin Tinamit (PNC) rech Iximulew, kuk’ ri rajtaqo’n taq ri oxib’ nimatinamit xuquje’ rajtaqo’n ri Agencia Internacional rech Asunto Antinarcóticos xuquje’ rech Patanib’al ri Taqanem ub’i’ (INL) kuk’ ri winaqilal e xik’om chi’.
Eri nim chomanem ri’ are kuq’alajisaj uwach ri nimachak b’anom pa le b’anoj nim komon tob’anik pa le chajinem b’anom xuquje’ pa le utz ub’anik kaq’atexik ri e ajb’anol k’ax pa le ruwalil centroamericana ri’. Eri b’anoj chajinem kumal ri oxib’ taq nimatinamit are ub’anom ya’ik tzijolinik xuquje’ ri komon chajinik rech kaq’atexik taq ri narcotráfico, ri k’ayin awan taq k’aqb’alil, rech q’atin b’anoj ch’ijom k’ax chke winaq, rech q’atiin kiq’axenik winaq e k’amom b’i, rech q’atenik taq ri pandillas xuquje’ ruk’ nik’aj chik b’anoj k’ax pa taq le nimatinamit che ri kakib’an ri k’ax pa rulewal taq nimatinamit ri’.