Eri Fuerzas Especiales rech Chajinem Tinamit ub’i’ (FEP) rech ri Wokajil Ajchajin Tinamit (PNC) e k’o e 211 e’eqa’lenelab’ rech reserva rech Distrito Central ri’, ri ketajin che nim uch’ob’ik chi rij ub’anik ri chajinem q’alanik ri’. Eri katijioxik ri’ are la’ kab’an pa le rachoch ri nim k’olib’al e’ajchajin tinamit, ri k’o pa ri zona 6 rech pa uk’u’x nimatinamit.
Eri K’amal B’e rech ri PNC, David Custodio Boteo, ri xub’an usolixik ri ub’antajil ri tijoninem ri’, rech ri ub’anik ri ub’e’al chajinem ri’ xuquje’ ruk’ taq ri cholchak rech uq’atexik ri b’anoj k’ax pa rulewal tinamit.
Eri Custodio Boteo xuquje’ xub’ij chewe k’utijoninem ri’ are la’ xb’an pa taq tinamit ri’. Xuquje’ sib’alaj xub’ij che ri kichakunik ri wokajil ajchajin tinamit ri’ are rech kakub’isax kachajixik ri winaqilal xuquje’ rech kab’an ri ucholalejil pa tinamit, rech qas kab’an uchomaxik xuquje’ rech kab’an unimaxik ri ya’tal chi ke ri winaqilal pa le kik’aslemal.
Eri b’anoj tijoninem ri’ are rech pa amaq’el xuquje’ are rech kab’an uwi katijoxik ri e’ajchajinel pa tinamit, are la’ jun nimachak katajin rumal ri q’atb’al tzij rech tinamit ri’. Pa ri riqon ib’ xek’oji Gobernador Departamental, Mauricio Bernard Alvarado; ri Subdirector General rech Operaciones rech ri PNC, Esvin Jacinto Quiché, kuk’ rajtaqanel taq ri comisarías rech ri Distrito Central.