Eri reqa’lenel ri Wokajil Ajchajil Tinamit (PNC) k’o chajinem kakib’an chi rij taq ultelexik tyox rech ri Cristo rech ri Preciosa Sangre reh ri Templo rech San Francisco, zona 1 uk’u’x pa nimatinamit. Eri telentyox are kok’ow uxo’l taq nimaja rech ri uk’u’x nimatinamit ri’, ri b’anom rachib’al le Santuario rech Nuestra Señora rech Guadalupe, Santa Iglesia Catedral Metropolitana, xuquje’ ri Arco rech Correos ri’.
Eri Viceministro rech Tecnología rech ri Tzijolil xuquje’ Tzijob’enem, William Cameros, sib’alaj xuya’ ub’ixik chi xetaq e 1 mil chi reqa’lenelab’ ajchajin tinamit pa taq le chajinem chi rij taq ri telentyox ri’ kab’an pa taq le q’ij ri’, pa le uk’u’x nimatinamit xuquje’ La Antigua Guatemala, Sacatepéquez ri’, che ri qas kakiriqo wi winaq chi rij ri telentyox.
Eri wokajil ajchajin tinamit xkib’an ri chajinem ri’, xuquje’ keb’in che chajinem pa taq le patrullas chi rij taq ri telentyox, xuquje’ xeb’in che chajinem chi rij taq ri kejach’ich’ xuquje’ k’o ri puqchajinem xkib’an pa taq le kok’ow wi ti telentyox. Ruk’ wari’, are kakub’isax kachajixik ri uwinaqilal ri Cofradía rech ri Santa Vera Cruz, kuk’ kaketelej ri tyox, ri winaq ketarab’ chi rij le telentyox ri’.
Xuquje’ pa le taq kimulim wi kib’ le winaqilal pa Nimatinamit k’o ri Torres rech Vigilancia xkoj ri’, chi la’ k’ut pa amaq’el kechajin wi loq ri e’ajchainel rech pa aninaqil kakilo wexa’ k’o rajawaxik, rech k’o utz chajinem kakib’ano, rech kakib’an kub’sib’al chajinem chi kech konojel ri winaq ke’arib’ chi rij telentyox ri’.
Eri b’anoj chajinem ri’ are la’ uwach ri “Tradiciones Seguras”, are rech ri chajinem kab’an pa le 40 chi telentyox kab’an pa le uq’ijol awas q’ij ri’. Eri e’ajchajin tinamit ri’ e’are k’ut ketaqik pa taq le telentyox kab’an ri’ xuquje’ che ri kakimulij kib’ ri winaqilal pa rulewal le tinamit.