Pa uterenb’exik b’anoj taq tijonem ri’ rech kak’am ub’e ri’ pa le utaqixik ri kachajixik ri e ak’alab’, taq ala, taq ali xuquje’ e q’apojil che ri ke’opanik kakisolij ri kitat nan pa japache’ tz’apib’al ri’, rumal ri’ eri k’amal b’e ri winaqilal pa taq tinamit, kakik’am uq’ab’il rilik ri utz chakunem ri’ kumal reqa’lenel ri Wokajil Ajchajil Tinamit (PNC) ri’, rumal pa keqele’n k’o wi ri chajinik che ri ak’alab’ ri’ xuquje’ jacha’ ri kub’ij ri Orden General 42-2021 ri kataqon ub’anik ri K’amoj K’amq’ab’ kilik kachajixik ri ak’alab’ che ri ke’ok pa ch’ab’enik pa taq le japache’ tz’apib’al ri’.
Eri b’anoj chajinem ri’ are rajwaxik kakib’an ri PNC are wa’ uwach ri’: b’anoj Chajinem tzukunik, are b’anoj chakunem ri’, pa komon ub’anik pa taqawokajil ri’ xuquje’ rech kanimax uwach kib’antajil ri e ak’alab’, taq ala, taq ali xuquje’ e k’ajolab’, rumal ri’, rajwaxik kab’an utzujik ri k’ax kab’an chi ke ri’. Jeri’, are kilik we utz kab’an chi ke pa kachoch ri’, kuk’ kitat nan ri’, rech kab’an utz chi ke ri e nan xuquje’ ri ixoqib’ keyem ak’al ri’ xuquje’ rajwaxik are kilik kab’an pa taq ri japache’ tz’apib’al ri’.
Rumal ri’, eri e ajchajil tinamit nab’e xetijoxik rech “Kena’w che ri kilik kachajixik ri taq ala, taq ali xuquje’ e k’ajolab’ ri’ kuk’ ri kachalal keriqitaj pache’ tz’apib’al”, eri tijonem ri’ are la’ kab’an pa uwachwuj k’amq’aq’nil, pa jun ik’ are la’ tijonem kab’an chi rij upatanixik r tz’aqat ya’talil chi ke ri e ak’alab’ ri’ kumal ri e ajchakunelab’ ri’.