Ruk’ taq uq’ojomisaxik ri q’ojom, ri uq’ojomab’al amaq’ xuquje’ Retal Amaq’, eri Wokajil Ajchajin Tinamit (PNC) xkib’an ri 29.º unimaq’ij rech ujunab’ k’utuninaq uwach ri’ ruk’ jun aq’ab’ unimaq’ij xb’an pa le teatro Lux. Le “Kaibil Balam” Q’ojomab’al rech ri wokajil ri’, kuk’ nik’aj chik q’ojomanelab’, xkiq’ojomisaj k’ilaj taq b’ixob’al xuquje’ ri je’l reta’mab’al aj iximulew.
Eri ajq’ojomanelab’ ri’ xkiq’ojomisaj taq ri b’ix rech ri amaq’ tinamit, jacha ri Recuerdos Quetzaltecos ri’, Amigos de la Marimba ri’, Sierra Morena ri’, El Grito ri’ xuquje’ Luna de Xelajú ri’, ruk’ nik’aj chik q’ojom b’ixonem xb’an pa le aq’ab’ ri’, ri xb’an rech xok’owisax uq’ij le wokajil chajin tinamit.
Pa le q’ojomanem ri’ xetatab’enik, le viceministro Administrativo, Kelvin Aguilar ri’; le viceministra rech Tecnologías rech ri Información xuquje’ ri Comunicaciones, Karen Ortiz ri’; le viceministro rech Antinarcóticos, Víctor Cruz Reynoso ri’; ri k’amal b’e rech ri PNC, David Custodio Boteo ri’; ri jun chik k’amal b’e, Héctor Prera ri’, kuk’ ri taqanelab’ rech chajin tinamit, ri eqa’lenelab’ ajchajin tinamit kuk’ taq ri winaqilal xesik’ix pa le nimaq’ij ri’.
Pa le nimaq’ij ri’ k’o na’tib’alil xjach chi ke rajq’ojomanelab’ le Q’ojom rech Recreación Laboral rech ri Taqawokajnem rech Chak xuquje’ rech Katob’ik Winaqilal (MINTRAB), le Q’ojomb’al ub’i’ Teclas de Oro rech ri Taqawokajnem rech Pwaq Tojb’al pa Tinamit (MINFIN) xuquje’ le Q’ojomab’al rech ri Instituto Guatemalteco rech Turismo (INGUAT), pa umaltyoxixik ri kitatab’enik ri winaqilal pa aq’aq’ pa nimaq’ij.
Are uwach ri b’anow ri nimaq’ij rech na’tib’al ralaxik ri wokajil chajin tinamit ri’ rumal ri’ xb’an maj ch’a’wenik pa jun minut ri’ rech xn’atexik ri kiq’ij ri ajchajinelab’ e kaminaq pa le b’anow chajinem pa tinamit aj iximulew ri’.