Pa le kiq’ijol ri Kaminaqib’, eri reqa’lenelab’ ri comisarías kuk’ ri rech unidades especializadas rech ri Wokajil Ajchajin Tinamit (PNC) ketajin che ri ya’olchajinem pa taq kamuqib’al ri kaminaqib’ rech ri amaq’ tinamit, rech b’a’ sib’alaj kechajixik ri winaqilal che ri ke’opan che ya’ik kikotz’i’j pa kiwi’ taq ri kaminaqib’ ri’ kumal ri kachalil pa le una’texik ri’.
Eri wokajil ajchajin tinamit ri’ pa amaq’el kechajin pa kiwi’ kamuqib’al ri kaminaqib’ ri’.
Xuquje’ eri e’ajchajin tinamit kakib’an ri chajinik chi rij taq kejach’ich’ pa taq ri kik’olib’alil ri winaqil, rech b’a’ uq’atexik taq b’anoj k’ax xuquje’ rech ya’olchajinem ri winaqilal che ri ke’opan pa uwi’ taq kamuqib’al ri e kaminaqib’ ri’.
Xuquje’ eri reqa’lenelab’ ri Subdirección General rech Prevención rech ri Delito (SGPD) rech ri PNC, kakib’an ri retz’b’exik ri b’anoj tijonik kuk’ ri winaq e’aj opanelab’, rech kakiwa’lijsaj ri jun no’jib’al rech b’iw b’ixik tzijol ri’ xuquje’ rech kaya uchuq’ab’ ri kub’al k’u’x chi kuxo’l ri winaqil kuk’ ri wokajil ajchajin tinamit. Sib’alaj xekojik ri rachib’al taq ri Polito xuquje’ ri Polita, ri xkiya rutzil kuwach ri taq ala ri taq ali, ri sib’alaj xkejsaj kachib’al kuk’ ri’.
Eri b’anob’alil ri’ are la’ uwach ri Cholchak ub’i’ Plan De Las Flores xuquje’ De Los Santos ri’, jacha ri xutaq ub’anik rumal ri ministro rech Gobernación, Marco Antonio Villeda, rech xkub’isax uwach ri kik’olib’em ri winaqilal ri’ xuquje’ rech pa joremal kek’oji ri winaqial pa taq ri nimaq’ij ri’.