Pa le 21 pa le 25 rech mayo, k’o jun puq ajpatanel rech ri Cholchak rech Policía Comunitaria PNC-JICA, ri k’o pa le Agencia rech Cooperación Internacional rech Japón, xkib’an jun solinem chi ke ri Policía Nacional rech Honduras (PNH), xkitaqij reta’maxik uch’ob’ik ri utzilaj taq b’anob’alil rech Policía Comunitaria, are wa’ ukub’isam kanima’ ri winaq tinamit rech uq’atexik ri b’anoj taq k’ax pa taq le amaq’il k’o apanoq.
Eri eqa’lenelab’ e aj iximulew rech ri Wokajil Ajchajil Tinamit (PNC) xya’taj chi ke rech xeb’e xek’oji pa jun riqonem rech xkita utzijol ri chajinem b’anom chi kuwach ri PNH kuk’ ri e ajk’ayinelab’, pa le uq’ab’ tinamit rech Comayagua.
Eri ajchomanel rech ri sociedad civil ri’ pa le kub’sib’al k’u’x anima’ xek’oji kumal ri ajchajil tinamit rumal ri q’atenik k’ax xkib’an ri’. Pa le riqonem ri’ are xb’an rlik che pa komonchak kuk’ winaqil xechakun chi rij ri’.
Xb’an le rilik uch’ob’ik uwach le rachoch le Academia Nacional rech Policía (ANAPO) che ri xek’oji wi ri wokaj ri ajchajinel e aj iximulew, chi la’ k’ut che ri ketijox wi ri taqanelab’ rech ajchajin tinamit xuquje’ che ri k’o wi kachakun wi ri la Universidad Nacional rech ri PNH, pa le rulewal tinamit rech La Paz. Chi la’ k’ut xb’an wi jun wa’katem pa le Dirección General rech ri PNH, k’o pa Tegucigalpa xuquje’ xb’an le rilik uchak ri chakuja rech puqchajinem tzukunik kumal ri Policía Comunitaria ri’.
Pa le rachoch ri Instituto Tecnológico Policial xb’an ri keb’ k’uttijonem xuquje’ xya wi uq’ijol k’isb’al uwach ri tijob’enik rech k’ taq retal tijonem chi rij ri chajinem winaqilal. Eri puq ajchajinel e aj iximulew xek’oji pa jun riqb’al ib’ kuk’ ri PNH xuquje’ ri winaqilal rech Río Blanco, San Pedro Sula, chi la’ k’ut xuquje’ xq’alajin wi ri kub’sib’al kik’u’x kanima’ ri winaqil e achk’ul chi’ kuk’ ri wokajil ajchajil tinamit ri’, rech xkijach uk’utik uwach ri chajinem b’anom rech uq’atexik taq ri pandilas pa taq ri wokaj chi la’.
Eri rajtaqo’n ri PNC rech Iximulew xkimaltyoxij rumal utz kik’ulik xb’an apanoq xuquje’ ri utzilem xb’an chi ke kumal ri Policía Nacional de Honduras ri’, rumal k’ut ri Director General, Héctor Gustavo Sánchez Velásquez xuquje’ chi ke konojel ri ajpatanelab’ che ri xkib’an ri tziijob’enik chi kech chi rij ri ub’eyal chajnem rech kab’an pa Iximulew ri’.