Rumal eri Amaq’ Iximulew k’o nim ujastaq uno’jib’alil xuquje’ uk’olemal ri’, are kub’an jun nimalaj k’olib’alil rech wa’kateb’al kumal winaqilo pa le Awas Q’ij Chajim Q’ij ri’. are keche’xik che keriqitaj e k’ilaj taq e wa’katelab’ rech qatinamit xuquje’ kuk’ ri winaqib’ naj kepe wiri’ rech e petinaq che una’ik utijik ri ki’laj taq jastaq wa/rikil, rech kab’an ri ilonem pa taq ri jalajoj uwach taq b’anikil rech taq e’ajch’ab’al xuquje’ kuk’ ri ke’opan pa taq ri k’olib’alil rech wa’kateb’al pa rulewalil amaq’ tinamit ri’.
K’o jun nimalaj wokajil ketaq ri’ e 42 mil chi eqa’lenelab’ rech ri Wokajil Ajchajin Tinamit (PNC) pa amaq’ tinamit rech pa kub’al k’u’x kek’oji ri winaqilal e’ajpetel ri’, ri kek’oji pa taq k’olib’al uxlanb’alil wa’katem xuquje’ are chi’ ketzalij pa taq kachoch ri’ pa le uxlb’an q’ij rech pa le Awas Q’ij Chajim Q’ij ri’.
Ri hajinem pa taq nimab’pe
E pa taq ri k’olib’al rech uxlb’anb’al wa’katem k’o k’olib’al chajinem xkojik rech kjab’an le kachajixik ri winaqil e’ajwa’katelab’ rech kilik wexa’ k’o taqom loq kichapik chi ke ri’, rech kilik we k’o kiwujilal ri winaq keqam, wexa’ k’o kitijom tzam xuquje’ wene’ kakirumumij kib’ pa taq le kicih’ich’ kib’insam. Rumal ri’ k’o kemechakub’al eqam rech ke’il chi upam ri’ xuquje’ retab’al tzam wexa’ k’o kitijom.
Xuquje’ kakisolij taq le ch’ich’, le kejach’ich’, pa taq le ch’ich’ keqam b’i winaq xuquje’ ri e’alilaj taq ch’ich’ rech b’anow eqa’n, rech ke’ilik wexa’ keqam b’i awan kunb’al ri’ che ri kakoj pa b’anow taq k’ax ri’. Rech kakilo we k’o we man k’ot kimak ri’, rech kilik wexa’ tane’ e’elaq’am b’i.
Eri wokajil ajchajin tinamit tajin ke’upixab’ej ri winaq e’ajpetel pa taq ri k’olib’al uxlanb’alil, jeri’ rech kaya katzijox chi ke chi k’o ch’ich’ e chararib’al rech wexa’ rajawaxik kecharixik taq ri ch’ich’ ri ketulijik. Ruk’ wa’, kakub’isax ri kib’inb’alil xuquje’ rech kaq’atataj taj ri kib’e taq ri ch’ich’.
Chajinem pa taq Uxlanb’al
Eri wokaj chajinem ri’ are kab’an pa uchi’ taq nimapalow, pa k’olib’al taq uxlb’anlil, pa taq k’ache’laj, pa taq k’olib’al etz’anemb’al xuquje’ pa taq nik’aj chik k’olib’em che ri qas kakimol wi kib’ ri winaqilal pa taq le q’ij ri’, rech kab’an jun utzilaj ilonem tob’anik xuquje’ rech pa le kato’ik uwach ri kik’aslemal ri winaqilal e’ajwa’katel rech qatinamit kuk’ ri naj kapetib’al wiri’.
Pa le Runimal Uk’ux’ Nimatinamit ri’ xekoj wi ri nim raqan taq chajib’al rech kilik pa ronojel kib’inb’alil ri winaqilal. Pa le jalajoj taq k’olib’alil rech ri nim Amaq’ ri e k’o che tob’anem ri’ le ambulancia xuquje’ le salvavidas ri’ wexa’ k’o ri kak’ulmataj pa aninaqil. Rumal ri’ k’o chajinem che kaqan, chi rij kejach’ich’ ri’, k’o b’insab’al chajimnem katajin che kaqan ri’ pa taq ri k’olib’alil xuquje’ chi rij taq ri k’olib’al uxlanb’al ri’ ri katajin wi ub’anik nimachajinem ri’.
Xuquje’ eri PNC katajin che ub’’anik nab’ejsab’al taq uq’atexik k’ax rech kaya ub’ixik chi k’o taq ri ch’a’web’al rech k’o kab’ix utzijol loq, rech kakikoqxa’nij ub’ixik chi ke ri winaqilal kewa’katik xuquje’ rech kakub’ kik’u’x kuk’ ri wokaj e’ajchajinelab’.
Chajinem pa taq sutinem teleb’an tyox
Sib’alaj e k’ilaj e’ajchajin tinamit xetaq pa taq sutinem utelexik tyox kumal taq uwinaqilal ri e’ajpatanib’ pa le Uk’u’x Amaq’ Nimatinamit ri’, pa Le Antigua Guatemala, Sacatepéquez, xuquje’ pa taq nik’aj chik rech pa rulewal amaq’ tinamit ri’ rech pa le una’texik uk’axk’olil, ukamikal xuquje’ uk’astajib’al le Jesucristo pa le Awas Q’ij Chajim Q’ij, Uq’ij ukojob’al chi kaj ri Winaqib’al pa Uwachulew.
Le naj raqan taq chajib’al e kojom pa taq k’olib’al winaqilal ri’ rech ri amaq’el kab’an ri chajinem xuquje’ rech kakub’isax ri b’anow k’olemal pa taq le nimaq’ij ri’ pa tinamit che ri kakimolo wi kib’ e k’ilaj taq kukuruchos, ri e’eqa’nel taq tyox, ri winaq kewa’katik xuquje’ ri winaqilal e’ajch’ab’al che ri kakiriqo kikb’ le kaq’ax wi ri teleb’an taq tyox.
E pa jueves Santo keb’ q’ij rech abril sib’alaj kechajix ri winaqilal ri’ che ri ke’opan pa ch’ab’enik pa taq le wuqub’ sagrarios pa taq le rachoch nimatyox kech ajch’ab’al k’o pa le Runimal Uk’u’x le amaq’ tinamit. Eri wokaj chajib’al ri’ are la’ kojom ri’ rech kanimax kachajixik ri Ub’e taq le Peregrino Seguro le taqom kachajixik pa le cholchajinem ub’i’ “Tradiciones Seguras” ri’.