E k’o 30 chi wokajilal rech ri Amaq’ kakimol kib’ che upatanexik ri Sistema Nacional rech Prevención pa Awas Chajim Q’ij (SINAPRESE) 2026 ri’, pa jun cholchak rech ri kaya uchuq’ab’il ri chajinem tob’anik chi ke taq ri winaqil kewa’katik pa tinamit ri’ pa le Awas Chajim Q’ij. K’a pa le 26 rech marzo ri’ kamajtaj ub’anik ronojel chajinem k’a pa le jo’lajuj q’ij rech abril ri’. Pa taq le q’ij ri’, eri wokajilal ri kek’oji pa kemonchak ri’ rech ketob’anik kakik’am b’i winaq pa nimaja rech kekunaxik, rech kechajin pa tinamit xuquje’ rech ke’ilonik pa taq ri k’olib’alil taq uxlanb’al.
Pa le cholchak ri’, k’o 135 ci k’olib’alil chajinem pa kemonchak kumal taq ri wokajil ri kek’oji pa taq ri nimab’e xuquje’ pa taq k’olib’al uxlanb’al pa rulewal amaq’ tinamit, jeri’ k’o waqlajuj chi k’olib’al chajinem ri’ kak’ojik. Eri Wokajil Ajchajin Tinamit (PNC), pa keqale’n taq ri unidades especializadas, kakib’an ri chajinem, rech kakina’ojij ri kib’e kiwa’katik ri winaq e’ajpetel ri’ rumal ri nimaq’ij pa qatinamit.
Eri cholchak ri’ are la’ xmajtaj ub’anik pa le nimaja rachoch ri Coordinadora Nacional rech ri Reducción rech Desastres (CONRED) ri’. Eri cholchak ri’ are la’ k’amatil ub’e upatanexik rumal ri secretaria ejecutiva rech CONRED, Claudinne Ogaldes ri’ xuquje’ rumal ri viceministro rech Política rech Defensa xuquje’ Planificación rech ri Taqawokajnem rech ri Defensa Nacional, Jorge Lemus ri’.
Eri viceministro Solórzano sib’alaj xub’ij “Eri wokajil ajchajin tinamit e’are kakiya uchuq’ab’ ri b’anoj chajinem q’alan ri b’anoj k’ax ri’, rech pa joremal ki’kotem kek’oji konojel taq ri winaqilal e’aj iximulew kuk’ ri winaqil naj kepe wiri’ rech pa jikomal kewa’kat chi’ pa rulewal amaq’ tinamit”.
Xuya ub’ixik ucholajil che ri cholchak rech puqtzukunem kutaqij ri kemonchak pa taqawokajilal rech kaya’ uchuq’ab’ ri b’anoj ilonem tob’anik chi ke ri winaq e wa’katelab’ pa taq le q’aij rech Awas chajim Q’ij ri’.
Eri q’atb’al rzij xkiya ub’ixik chi ke ri winaqil pa tinamit wexa’ k’o ri k’ax kakilo kab’anik chakib’ij b’a’ loq pa le 110 kuk’ ri PNC xuquje’ pa le 119 rech CONRED, are la’ kuwach ri e’ajb’anol taq ri ilonem pa aninaqil ri’.