Eri reqa’lenelab’ ri Wokajil Ajchajil Tinamit (PNC) sib’alaj xkito’o jun jawinaq pa le kilómetro 34.5 nimab’e kab’e pa le Atlántico ri’ pa juyub’al ri tinamit rech El Progreso are chi’ e b’enaq che kaqan rech chajin winaqil chi la’ k’ut.
Eri e ajitinelab’ kib’ik pa le rulewal tinamit Quiché, chi upam k’ut jun ch’ich’ k’o ri ixoq ub’i’ Angélica María Pantuj, 44 ujunab’, sib’alaj kuriq uchi’ xuta’o kato’ik.
Are chi’ xeqaj ri ajchajinel pa le autopatrulla eri ixoq ri’ xub’ij che ri alaj ral ali oxib’ ujunab’ tajin kaxab’aj kik’, rumal ri pa aninaqil xk’am b’i kumal ri ajchajinelab’ pa le Hospital Nacional rech ri departamento rech El Progreso ri’.
K’o jun chik
Eri reqa’lenel ri Prevención rech Q’atel K’ax rech Izabal, chi la’ k’ut eri la Coordinadora Nacional rech ri Q’atenik K’axk’onem ri’ (Conred) kuk’ ri reqa’lenel ri ajchajil amaq’ pa uchi’ palow pa le Punta de Palma, Puerto Barrios, Izabal, chi la’ k’ut xriqitaj wi loq jun alaj alaj kajib’ ujunab’, ri kab’ixik xa’ xsachik uchi’ palow ri’, rumal ri’ pa aninaqil xto’ik are chi’ xriqitaj loq ri alaj al Lorena Chapeta xuquje’ ri a miguel Ramos Ramírez, 29 ujunab’, kab’ixik are utat ri alaj ali xsachik, rumal ri’ xjach pa uq’ab’ rech kuchajij kuto’o b’a’.