Are chi’ xjo’sax ub’ixik chi k’o jun nim poq’sab’al xkoj pa le Hospital Roosevelt ri’, k’o pa le zona 11, rech uk’u’x nimatinamit, eri Ministro rech Gobernación, Francisco Jiménez, xe’utaq ri wokaj e ajchajil tinamit chi la’ rech xkub’isaj ub’anik ri ya’olchajinem pa le rachoch ja kunanib’al winaq ri’. Rumal ri’, k’a pa viernes 16 rech agosto ri’ xya’ uchuq’ab’ le ya’olchajinem kumal ri wokaj ajchajil tinamit che kaqan xuquje’ chi rij taq kejach’ich’. Rech xtaq kachajixik ri e ajkunanelab’ chi’, ri e winaq e yawab’ ri’ kuk’ ri kachalil keriqitaj chi la’ k’ut.
Eri nim chajinem katajin ri’ are uwach ri kemon chakunem kumal ri q’atb’al tzij rech ri Ministerio rech Salud Pública xuquje’ Asistencia Social (MSPAS) xuquje’ rumal le Mingob. Pa le k’isb’al taq q’ij ri’ sib’alaj e k’i taq e ajchajinelab’ xe’opan pa chajinem chi’ rumal xb’ixik k’o jun nimak’ax choman ub’anik chi’ kumal ri e Itzel taq winaq.
Rumal ri’ xb’an ri solinem chajinik pa le rachoch ja rech kunanib’al winaq ri’ rech tajin kachajiixik kumal reqa’lenelab’ ri División rech Investigación xuquje’ Desactivación rech K’aqb’al Poq’sab’al ri’ rech ri PNC, e achb’ilam kumal ri K-9 Bella I xuquje’ Ziro ri’.
Xuquje’ xkib’an solinem ri’ che ri ke’ok wi ri winaqilab’ pa le raqan le nimaja ri’, pa taq le b’anob’al kichul le winaq xuquje’ pa le ke’eyen wi le winaq. E are ri q’atb’al tzij rech e ajchajin tiamit ri ketajin che b’anoj tzukunem ri’ pa juntir taq upam uwach le rachoch ri nimaja rech kunanib’al winaq ri’.