Rech taqim ri b’anon kub’al k’u’x kuk’ rajtijoxel rachoch jun tijob’al kumal ri wokajil ajchajil tinamit, kuk’ jun puqil rech e 63 chi achijab’ xuquje’ ixoqib’ ri’ rech ri Subdirección General rech Q’atenik ri B’anol K’ax (SGPD) rech ri Wokajil Ajchajil Tinamit (PNC) ri’, sib’alaj xetzijon kuk’ ri e ajtijoxel ruk’ jun ub’anik ch’aweb’al ruk’ rachib’al taq ri a Lesh xuquje’ al Leshi, rech xek’utijon kuk’ ri’.
Eri etz’ab’alil ri’ rech kab’an chi kech’awik are la’ kojom kumal ri e ajchajil tinamit rech kakib’an ya’ltzijol tijonik q’alanik chi kech ri e ajtijoxel pa juntir rulewal tinamit aj iximulew, rech kinab’ejsam ri riqon kib’ kuk’ ri ab’om ri alitom rech ri qas e taqil na xuquje’ rech keq’alan chi kech pa le kitzij kakikoj pa kapetib’al ri’.
Eri runimal utaqim ri’ are rech k’o tzijob’en ib’ chi kuwach rech kuya uchuq’ab’ ri b’anoj chajinem chi rij taq ri rachoch taq tijob’al xuquje’ ri tijonelab’, tijoxel pa konojel. Are chi’ kakikoj ri etz’ab’a’l kech’awik kachib’al ri ajchajinel, ruk’ wa’ eri rajchajil tinamit are kitaqim ub’anik ri’ rech ke’opan kuk’ ri e ajtijoxel ab’om alitom rech ketzijon kuk’ ri’.
Eri wokajil ajchajil tinamit ri’ e are ketzijon kuk’ ri e ajtijoxel rech tijonem 2024 ri’, rech qas kakitzijoj keq’alen chi kech xuquje’ rech ketijon chi rij nimanik pa tinamit. Eri cholpatan ri’ are jun retal jun nim tzijob’en ib’ ri’ xuquje’ rech jun utzilaj joremal b’antajil pa ronojel ri tinamit.