Pa le nab’e taq wuqub’ ik’ rech pa junab’ ri’, eri Wokajil Ajchajin Tinamit (PNC) xekowon che uq’atexik taq ri Q148,296,723.00 chi pwaqil toq’im kumal nik’aj b’anol k’ax jacha ri Mara Salvatrucha, ri Barrio 18 xuquje’ ri nik’aj xaq kikojom kib’ che ajb’anol k’ax ri’.
Eri b’ixikil utzijol ya’om rumal ri Wokajil Ajchajil rech Kaq’atexk ri Pandillas ri’ (DIPANDA) rech ri PNC, pa le q’ijol ri’ k’o chik 14,855 chi ub’ixik utzijol ri toq’inem pwaq ri’, ri q’atim pa ronojel ri’ rumal ri puqchajinem tzukunik b’anom kumal ajchajin tinamit, ri terne’m uq’atexik rumal q’atb’al tzij ri’ xuquje’ rumal ri tob’anem b’anom chi ke ri winaq kiriqom ri k’ax taj b’anom k’ax chi ke ri’.
Eri kino’jibalil ri ajchajin tinamit ruk’ ri puqchajinem kib’anom rech uq’atexik ri ajb’anol k’ax, are rech e no’jim e pixb’am ri winaqilal xuquje’ rech kakitzuj pa q’atb’al tzij, rech katoq’axik kek’am b’i pa q’atoj tzij, are ri taqomub’anik kumal taq ri Unidades Investigativas rech ri wokaj chajin tinamit, ri kub’an uq’atexik ri b’anoj k’ax ri’.
Eri nim rajilab’al ri’, are la’ jun chakunem nim xb’antajik chi ke ri q’atb’al tzij rech ri Ministerio rech Gobernación, sib’alaj xkib’ij k’ut che ri jujun raxpwaq b’otolik are la’ man kopan taq chik pa kaq’ab’ ri molaj b’anol k’ax ri’, rumal xq’atataj uchuqab’ ri’. Xuquje’ are k’ut sib’alaj utz kaq’alajinik pa le b’anoj chajinem xuquje’ rech katik’ib’ uwach ri pwaqil meb’il ri’ rech pa qatinamit.