Eri Wokajil Ajchajin Tinamit (PNC) xkimaj ub’anik pa domingo ri’ le puqcholchak ub’i’ “Anillo de Contención”, are ri’ jun b’anow chajinem ri b’anom kumal ri e’ajchajin tinamit, rech che kaqan kakib’an pa taq k’olib’al chajinem pa taq wokja che ri taqim wi b’anik ri chajib’al ri’ pa le uk’u’x ri nimatinamit rech Iximulew.
Eri b’anob’alil ri’ are xmajtaj ub’anik pa nimaq’ab’ ri’ pa taq ri k’olib’alil rech ri zona 3 rech uk’u’x nimatinamit, chi la’ k’ut eri reqa’lenelab’ le Subdirección General rech Análisis rech Información Antinarcótica (SGAIA), pa kemonchak ruk’ ri Taqawokaj Ajchajin Amaq’ Iximulew, rech kakib’an ri puqtzukunem chainik xuquje’ solinik ri’.
Jacha ri tzijol xya’taj ub’ixik loq, eri kopanib’al ri ajchajinel tzukunel pa le barrio El Gallito, pa colonia La Trinidad, pa colonia Buena Vista, pa colonia Santa Luisa, pa La Arenera, pa colonia El Esfuerzo, pa colonia Santa Isabela xuquje’ pa colonia Las Calaveras ri’, jeri’ pa nik’aj chik k’olib’alil winaq e taqom utzukuxik ri’.
Eri utaqim ub’anik ruk’ le puqtzukunem ri’ are rech kechap winaq, rech kaq’atexik ri b’anow k’ax xuquje’ rech kariqik loq ri awan jastaq kunb’al k’aqb’alil kumal ri ajchain tinamit pa amaq’el pa taq ri k’olib’em kab’ixik ri taqilitalik ri’.
Eri PNC xuya utzijol che ri cholchak ri’ are uwach ri puqtzukunem chajinik taqom ub’anik rech kaya uchuuq’ab’il ri chajinem winaqil chi la’ rech pa amaq’el kechajin ri e’ajchajin tinamit chi la’ k’ut pa uk’u’x nimatinamit ri’.