Rumal unimaq’ij rech ri juk’al uwajxaq ujunab’ kutz’aqatisaj ri Wokajil Ajchajin Tinamit (PNC), xub’an keb’ b’anowem, rech maltyoxinik, eri mixa xub’an pa le Catedral Metropolitana xuquje’ eri kech e’ajkonojel are xub’an pa le rachoch ri K’amoj Ub’e ri PNC. Eri keb’ uwach maltyoxinem ri’ chi’ xkimol wi kib’ ri q’atb’al tzij rech ri Ministerio rech Gobernación (MINGOB), ri wokajil ajchajin tinamit xuquje’ ri winaqilal ri’, ri jun ri’ are rech q’ijonem, rech ch’ob’oj pixab’nik, ruk’ wari’ kab’an ri q’ijonem kojonik ruk’ ranima’ ukojob’al ri wokajilal ri’.
Eri Ajtij José Luis Colmenares, ri are xub’an ri mixa pa le Catedral Metropolitana, xub’ij che ri kachak ri wokajil ajchajin tinamit are ruk’ ri ch’uch’ulem pa joremal, pa junamamil xuquje’ rech b’anik utzilem chech ri winaqil tinamit aj iximulew, eri PNC k’o ri’ jun nimalaj reta’mam, rech pa jikom eqa’nem kachakun kuk’ ri winaqilal.
Rumal ri’, eri Pastor rech ri Iglesia Vida Real, Rony Madrid, xub’an jun riqon ib’ rech q’ijob’al chi kaj pa le nim rachoch ri K’amoj b’e rech ri PNC. Pa le xutzijoj, xub’an jun sik’inem chi kech ri e’ajchajin tinamit rech chakiya kanima’ chech ri Ajaw chikaj are chi’ kakimaj ri kachak ronojel. Xuquje’ xuya uq’ij ri kachak ri wokajil ajchaiin tinamit rech k’o ri kub’al k’u’x pa ri tinamit.
Pa le 28 junab’ chik ok’owinaq, eri wokajil ajchajin tinamit kib’anom kowilaj taq chakunem, rech ya’ik uchuq’ab’ ri uk’ak’arisaxik uwokajilal pa taq uchomaxik ri rajawaxik chi kech ri winaqilal. Eri kojib’al rech k’ak’ taq kemechakub’al, ri cholchak rech tijonem xuquje’ ri ketotab’en b’a’ ri winaqilal pa ri jun wokib’al uk’exjtajik ri’.
Eri kopanib’al ri q’atb’al tzij xuque’ ri komon winaqilal pa ri keb’ b’anowem nimaq’ij ri’ are la’ retalil runimal ri komonchak tajin kumal ri wokajilal rech ri Amaq’ xuquje’ winaqilal rech kawokik jun b’antjail ri kub’al k’u’x xuquje’ ri junamamil chi kech konojel winaq e’aj iximulew.
Pa k’isb’al ri’, xub’an jun nim ub’ixik che katerne’x ri n’ojk’aslemal ri’ jacha ri suk’ilal, ri jikomal xuquje’ ri nimab’al uwach ri ya’tal chi kech ri winaqilal, are la’ qas uwa’lib’alil uwach ri jun k’ak’ wokaj achajinel, rech pa jikom chakunem pa tinamit.