Pa le K’olib’alil rech Eta’manem rech ri Nimatijob’al rech ri Wokajil Ajchajil Tinamit (PNC), zona 6 rech uk’u’x nimatinamit, eri pa kawokajil ri chajin tinamit xkib’an jun k’utunem chi uwach ri K’amol Ub’e Amaq’, Bernardo Arévalo, xuquje’ chi uwach ri Ministro rech Gobernación, Francisco Jiménez.
Pa le tzijonem xub’an ri k’amal b’e tinamit xub’ij: “pawe q’ij kimik kinch’awik iwuk’ ix ruk’ jun tzijonik rech eyeb’al xuquje’ chakunem pa amaq’el pa le ya’olchajinem tinamit Iximulew”.
Xub’ij: “un Taqanem pa Amaq’ are rech kinuya’o ub’ixik ri chak qas rajwaxik kaloq’ax ub’anik chi rij upatanib’al uchak jujun ajchajil tinamit, rumal k’ut eri ix ix rajwaxik chi ke ri winaqilal pa tinamit. Rumal ri’, eri qopanik pawe q’ij kimik chi’ are rech kaqak’utu ri jujun taq chak b’anonem kumal ri PNC”.
Rumal ri’, eri Taqanel Ya’olchajinem pa Amaq’ xub’ij che “ri q’ij ri’ are sib’alaj loq’, man rech ta chuwe’q, ri ya’olchajinem are kab’an kimik”. Rumal wa’, eri PNC qas xe’utijoj ri jujun taq achijab’ xuquje’ ixoqib’ che ri kechajin kik’aslemal ri winaqib’, ri kechajin ri winaqil ruk’ kijastaq meb’il, jeri’ pa jikomal kek’oji pa le kik’aslemalil ri’, jeri’ rech q’atenik k’ax, rech uterenb’exik q’atenik ri k’ax, rech qas kakiya pa ucholalejil ri q’atanik xuquje’ ri ya’olchajinem pa tinamit.
Xuquje’ eri nimpatanel ri’ xub’ij “in sib’alaj weta’m che ri b’anoj chak ri’ xaq ta ub’anik. Qas kinuwil k’ut pa saqilem ub’anik, kakuy ta ri’ ri k’ax elaq’ pa wokajilal, kinkub’isaj unimaxik ub’antajil ri Cha’ojilem Ya’talil chi ke ri Winaqilal xuquje’ rech kab’an utzil ukojik usachik pa saqilem ri pwaqil ya’om che ri Ministerio rech Gobernación”.
Eri loq b’anonem ri’ are xk’ij ruk’ ri jun Nimcholb’inem ri’, kumal taq ri jalajoj uq’ab’il ri PNC rech xkik’utu ri keta’mimaj xuquje’ ri keta’m kakib’an kakichakuj chi uwach ri Nimk’amol Ub’e Tinamit Arévalo xuquje’ chi uwach ri Ministro Jiméne. Eri nimcholb’inem ri’ are la’ jun nim k’utuj xb’an ruk’ no’jb’anikil xuquje’ ruk’ qas kicholajisab’al kib’ ri wokajil ajchajil tinamit.